Salmo 77:1-20
Iti direktor; iti Jedutun.* Salmo ni Asaf.+ Kanta.
77 Ipigsakto ti timekko nga umawag iti Dios;Umawagakto iti Dios ket denggennakto.+
2 Birokek ni Jehova iti tiempo ti panagrigatko.+
Agpatpatnag a nakangato* dagiti imak bayat nga agkarkararagak kenkuana.
Saanak a maliwliwa.
3 No malaglagipko ti Dios, umas-asugak;+Mariribukanak ken kumapsutak.*+ (Selah)
4 Lapdam ti panagkidem dagiti matak;Madandanaganak ket saanak a makasao.
5 Nagsubli iti panunotko dagiti nabayagen a panawen,+Malaglagipko dagiti limmabasen a tawtawen.
6 Iti rabii, malaglagipko ti kantak;*+Agpampanunotak a naimbag;+Ikagkagumaak* nga ammuen dagiti sungbat.
7 Agnanayon ngatan nga inlaksidnakami ni Jehova?+
Saannakami ngatan a kaasian manen?+
8 Agnanayon ngatan a napukaw ti napudno nga ayatna kadakami?
Makitanto pay ngata ti amin a henerasion ti kaitungpalan ti karina?
9 Nalipatan ngatan ti Dios nga ipakita ti asina,+Wenno dinakami ngatan kaasian gapu iti pungtotna? (Selah)
10 Kanayonkonto kadi nga ibaga: “Daytoy ti pagsaksakitan ti nakemko:*+
Nagbalbaliwen ti panangtrato* ti Kangatuan kadatayo”?
11 Laglagipekto dagiti aramid ni Jah;Laglagipekto dagiti nakaskasdaaw a gapuanam idi un-unana.
12 Utobekto ti amin nga aramidmoKen pampanunotekto a naimbag dagiti pannakilangenmo.+
13 O Dios, nasantuan dagiti dalanmo.
Asino a dios ti naindaklan a kas kenka, O Dios?+
14 Sika ti pudno a Dios, nga agar-aramid kadagiti nakaskasdaaw a bambanag.+
Impakitam ti bilegmo kadagiti tattao.+
15 Babaen ti pannakabalinmo,* insalakanmo* dagiti tattaom,+Dagiti annak da Jacob ken Jose. (Selah)
16 O Dios, nakitadaka dagiti danum;Nakitadaka ket nakiburda.+
Ket nagpigerger dagiti adalem a dandanum.
17 Imbuyat dagiti ulep ti tudo.
Naggurruod ti naulep a tangatang,Dagiti kimatmo ket kasla pana nga agsasallupang.+
18 Ti gurruodmo+ ket kas kadagiti dumalagudog a karuahe;Dagiti kimatmo ti nanglawag iti daga;*+Nagginggined ken nagunggon ti daga.+
19 Binallasiwmo ti baybay,+Linasatmo ti adu a dandanum;Ngem saan a malasin dagiti tugotmo.
20 Tinarabaymo dagiti tattaom a kas iti maysa nga arban,+Iti panangaywan* da Moises ken Aaron.+
