Salmo 79:1-13

  • Kararag idi rinaut dagiti nasion ti ili ti Dios

    • “Inum-umsidakami” (4)

    • ‘Tulongannakami maigapu iti naganmo’ (9)

    • “Mamimpito a dusaem dagiti kaarrubami” (12)

Kanta ni Asaf.+ 79  O Dios, rinaut dagiti nasion ti tawidmo;+Pinerdida ti kinasagrado ti nasantuan a templom;+Pinagbalinda a rebba ti Jerusalem.+   Impakanda kadagiti billit iti tangatang dagiti bangkay ti ad-adipenmo,Ken impakanda kadagiti atap nga animal ti lasag dagiti napudno kenka.+   Imbukbokda ti dara dagiti adipenmo kas iti danum iti aglawlaw ti Jerusalem,Ket awan ti nabati a mangitabon kadakuada.+   Inum-umsidakami dagiti kaarrubami;+Inuy-uyaw ken linalaisdakami dagiti adda iti aglawlawmi.   O Jehova, agingga iti kaano a makaungetka kadakami? Agnanayon kadi?+ Kasano kapaut ti bumarbara a pungtotmo?+   Ipapasmo ti pungtotmo kadagiti nasion a saanda a kayat nga ammuen ti kinadiosmo,Ken kadagiti pagarian a saan nga umaw-awag iti naganmo.+   Ta inibusda ni JacobKen dinadaelda ti nasionna.+   Saanmo nga isingir kadakami ti basbasol dagidi ammami.+ Darasem! Kaasiannakami+Ta awanen ti pigsami.   Tulongannakami, O Dios a mangisalsalakan kadakami,+Maigapu iti nadayag a naganmo;Ispalennakami ken pakawanem* dagiti basolmi maigapu iti naganmo.+ 10  Apay koma nga ibaga dagiti nasion: “Ayanna ti Diosda?”+ Masaksianmi koma ti panangibalesmo kadagiti nasionGapu iti pannakapapatay dagiti agserserbi kenka.+ 11  Mangngegmo koma ti panagsennaay dagiti balud.+ Usarem ti dakkel a pannakabalinmo* a mangisalakan* kadagiti nasentensiaan a matay.*+ 12  Mamimpito a dusaem dagiti kaarrubami+Gapu iti panangumsida kenka, O Jehova.+ 13  Ket dakami a tattaom ken arban iti pagpastoram,+Agnanayonto nga agyamankami kenka;Idaydayawdakanto iti amin a henerasion.+

Footnotes

Lit., “abbongam.”
Lit., “takiagmo.”
Wenno mabalin a, “mangwayawaya.”
Lit., “annak ni patay.”