Salmo 94:1-23

  • Panangikararag iti panangibales ti Dios

    • ‘Kasano kabayag nga agtultuloy dagiti managdakdakes?’ (3)

    • Agresulta iti kinaragsak ti panangkorehir ni Jah (12)

    • Saanto a baybay-an ti Dios dagiti tattaona (14)

    • “Mangpatpataud iti riribuk iti nagan ti linteg” (20)

94  O Jehova, ti Dios a makinkukua iti pammales,+Agsilnagka, O Dios a makinkukua iti pammales!   Agtignayka, sika nga Ukom ti daga.+ Balsem dagiti natangsit iti maitutop kadakuada.+   Kasano kabayag, O Jehova,Kaano nga agpatingga ti panagragragsak dagiti managdakdakes?+   Dida pampanunoten ti ibagbagada ken natangsit ti panagsasaoda;Ipangpangas ti amin a managdakdakes ti bagida.   Irurrurumenda dagiti tattaom, O Jehova,+Idaddadanesda dagiti kukuam.   Ti balo a babai ken ti ganggannaet a residente ket patayenda,Agraman dagiti awan amana nga ubbing.   Ibagbagada: “Saan a makita dayta ni Jah;+Saan a madmadlaw dayta ti Dios ni Jacob.”+   Tarusanyo daytoy, dakayo a saan a manakem;Dakayo a maag, kaanonto nga ipakitayo a makataruskayo?+   Saan aya a makangngeg Daydiay nangaramid* iti lapayag? Saan aya a makakita Daydiay nangaramid iti mata?+ 10  Saan aya a mangtubngar Daydiay mangkorkorehir kadagiti nasion?+ Isu Daydiay mangmangted iti pannakaammo kadagiti tattao!+ 11  Ammo ni Jehova ti pampanunot dagiti tattao,A dagita ket sang-aw laeng.+ 12  O Jah, naragsak ti tao nga ilintegmo,+Ken suruam iti lintegmo,+ 13  Tapno natalna ti panagbiagna kabayatan ti didigra,Agingga nga adda abut a makali para kadagiti managdakdakes.+ 14  Ta saanto a baybay-an ni Jehova dagiti tattaona,+Saannanto met a panawan dagiti kukuana.+ 15  Ta agbalinto manen a nalinteg ti panangukom,Ket surotento dayta ti amin a nalinteg ti pusona. 16  Asinonto ti mangsalaknib kaniak kadagiti managdakdakes? Asinonto ti mangidepensa kaniak iti sango dagiti agar-aramid iti dakes? 17  No saan a ni Jehova ti katulongak,Nabayag koman a natayak.*+ 18  Idi kinunak: “Maigalgalis dagiti sakak,” Ti napudno nga ayatmo, O Jehova, ti mangsarsarapa kaniak.+ 19  Idi immadu* dagiti pakadanagak,*Liniwliwa ken pinaragsaknak.+ 20  Makikaduanto kadi kenka ti nakillo a turay*Bayat a mangpatpataud iti riribuk iti nagan ti linteg?+ 21  Siraranggas a rautenda ti nalinteg a tao*+Ken sentensiaanda a matay ti inosente.*+ 22  Ngem ni Jehova ti natalged a pagkamangak,Ti Diosko ket dakkel a bato a pagkamangak.+ 23  Ipalak-amnanto kadakuada ti bunga dagiti dakes nga inaramidda.+ Ti mismo a kinadakesda ti usarennanto a mangpatay* kadakuada. Patayento* ida ni Jehova a Diostayo.+

Footnotes

Lit., “nangimula.”
Lit., “nagnaedak iti kinaulimek.”
Wenno “nagtutupatop.”
Wenno “pakaburiborak.”
Wenno “agtuturay; uk-ukom.”
Wenno “ti kararua ti nalinteg.”
Lit., “Ken ti dara ti inosente ket ideklarada a nakabasol (dakes).”
Lit., “mangpaulimek.”
Lit., “Pagulimekento.”