Salmo 25:1-22

  • Kararag tapno agpaidalan ken agkiddaw iti pammakawan

    • “Isurom kaniak dagiti danam” (4)

    • “Nasinged a gagayyem ni Jehova” (14)

    • “Pakawanem ti amin a basolko” (18)

Salmo ni David. א [Alef] 25  Sika, O Jehova, ti pagkararagak. ב [Beth]   Diosko, sika ti pagtalkak;+Dimo ipalubos a maibabainak.+ Dimo ipalubos nga agrag-o dagiti kabusorko gapu iti panagrigatko.+ ג [Gimel]   Sigurado a dinto maibabain dagiti mangin-inanama kenka.+Ngem maibabainto dagidiay mangtraidor nga awan gapgapuna.+ ד [Daleth]   Ipakaammom kaniak dagiti dalanmo, O Jehova;+Isurom kaniak dagiti danam.+ ה [He]   Papagnaennak iti kinapudnom ket isuronak,+Ta sika ti Dios a mangisalakan kaniak. ו [Waw] Agmalmalem a sika ti pangnamnamaak. ז [Zayin]   O Jehova, lagipem ti asim ken ti napudno nga ayatmo+A kanayon nga ipakpakitam.*+ ח [Heth]   Lipatem dagiti kamalik idi agtutuboak ken dagiti basolko. Lagipennak maitunos iti napudno nga ayatmo,+Gapu iti kinaimbagmo, O Jehova.+ ט [Teth]   Naimbag ken nalinteg ni Jehova.+ Isu nga isursurona kadagiti managbasol ti dalan a rumbeng a pagnaanda.+ י [Yod]   Idalannanto dagiti naemma a mangaramid iti umiso,*+Ket isuronanto ti dalanna kadakuada.+ כ [Kaf] 10  Napudno nga ayat ken kinamatalek ti amin a dana ni JehovaKadagidiay mangtungtungpal iti tulagna+ ken kadagiti pammalagipna.+ ל [Lamed] 11  Maigapu iti naganmo, O Jehova,+Pakawanem ti kamalik nupay nakaro dayta. מ [Mem] 12  Asino ti tao nga agbuteng ken Jehova?+ Isuronanto maipapan iti dalan a rumbeng a pilienna.+ נ [Nun] 13  Nasayaatto ti masagrapna,+Ket dagiti putotna* ti mangtagikuanto iti daga.+ ס [Samekh] 14  Nasinged a gagayyem ni Jehova dagidiay agbuteng kenkuana,+Ket ipakaammona kadakuada ti tulagna.+ ע [Ayin] 15  Kanayon a nakaturong dagiti matak ken ni Jehova,+Ta manipud iti palab-og, dagiti sakak wayawayaanna.+ פ [Pe] 16  Taliawennak ken paraburannak,Ta agmaymaysaak ken kakaasiak. צ [Tsade] 17  Immadu dagiti pagladladingitak;+Wayawayaannak kadagiti pakarigatak. ר [Resh] 18  Kitaem ti rigatko ken ti parikutko,+Ket pakawanem ti amin a basolko.+ 19  Kitaem no kasano kaadu dagiti kabusorkoKen no kasano kakaro ti gurada kaniak. ש [Shin] 20  Saluadam ti biagko* ket ispalennak.+ Dimo ipalubos a maibabainak, ta sika ti nagkamangak. ת [Taw] 21  Ti kinamatalekko ken kinalintegko saluadandak koma,+Ta sika ti pangnamnamaak.+ 22  O Dios, arayatem* ti Israel iti amin a rigatna.

Footnotes

Wenno “Manipud pay idi un-unana.”
Lit., “iti panangukom.”
Lit., “bin-ina.”
Wenno “kararuak.”
Lit., “subbotem.”