Salmo 111:1-10
111 Idaydayawyo ni Jah!*+
א [Alef]
Idaydayawkonto ni Jehova iti amin a pusok+ב [Beth]Iti naguummong a grupo dagiti nalinteg ken iti kongregasion.
ג [Gimel]
2 Naindaklan dagiti aramid ni Jehova;+
ד [Daleth]Ad-adalen ti amin a maay-ayatan kadagita.+
ה [He]
3 Nadayag ken nangayed dagiti aramidna,
ו [Waw]Ken agnanayon ti kinalintegna.+
ז [Zayin]
4 Pagbalinenna dagiti nakaskasdaaw nga aramidna a malaglagip.+
ח [Heth]
Mannakipagrikna* ken naasi ni Jehova.+
ט [Teth]
5 Ikkanna iti taraon dagidiay agbuteng kenkuana.+
י [Yod]Agnanayon a malagipna ti tulagna.+
כ [Kaf]
6 Impakaammona kadagiti tattaona dagiti aramid a pakakitaan iti pannakabalinna,
ל [Lamed]Babaen ti panangtedna kadakuada iti tawid dagiti nasion.+
מ [Mem]
7 Kinapudno ken kinahustisia ti pakabuklan dagiti aramidna;+
נ [Nun]
Mapagtalkan ti amin a bilinna.+
ס [Samekh]
8 Kanayon a mapangnamnamaan* dagiti bilinna, ita ken iti agnanayon;ע [Ayin]Naaramid dagita maigapu iti kinapudno ken kinalinteg.+
פ [Pe]
9 Sinubbotna dagiti tattaona.+
צ [Tsade]Imbilinna nga agnanayon nga agtalinaed ti tulagna.
ק [Qof]Nasantuan ken nakaskasdaaw ti naganna.+
ר [Resh]
10 Ti panagbuteng ken Jehova ti pangrugian ti sirib.+
ש [Sin]Nalawag ti pannakatarus ti amin a mangtungtungpal kadagiti bilinna.*+
ת [Taw]Maidaydayaw ti Dios iti agnanayon.
Footnotes
^ Wenno “Hallelujah!” Ti “Jah” ket napaababa a porma ti nagan a Jehova.
^ Wenno “Nakonsiderar.”
^ Wenno “natibker ti nakaibatayan.”
^ Lit., “kadagita.”
