Salmo 118:1-29

  • Panagyaman gapu iti balligi ni Jehova

    • ‘Immawagak ken Jah ket sinungbatannak’ (5)

    • “Adda ni Jehova iti abayko” (6, 7)

    • Agbalin a kangrunaan a bato a pasuli ti bato a naibelleng (22)

    • “Daydiay umay iti nagan ni Jehova” (26)

118  Agyamankayo ken Jehova, ta isu ket naimbag;+Agnanayon ti napudno nga ayatna.   Ibaga koma itan ti Israel: “Agnanayon ti napudno nga ayatna.”   Ibaga koma itan ti sangakabbalayan ni Aaron: “Agnanayon ti napudno nga ayatna.”   Ibaga koma itan dagidiay agbuteng ken Jehova: “Agnanayon ti napudno nga ayatna.”   Immawagak ken Jah* idi marigrigatanak;Sinungbatannak ni Jah ken impannak iti natalged a disso.*+   Adda ni Jehova iti abayko; saanakto nga agbuteng.+ Ania ti maaramidan kaniak ti tao?+   Adda ni Jehova iti abayko a tumultulong kaniak;*+Makitakto ti pannakaabak dagiti gumurgura kaniak.+   Nasaysayaat ti agkamang ken JehovaNgem ti agtalek kadagiti tattao.+   Nasaysayaat ti agkamang ken JehovaNgem ti agtalek kadagiti prinsipe.+ 10  Pinalawlawandak ti amin a nasion,Ngem iti nagan ni Jehova,Pinaatrasko ida.+ 11  Pinalawlawandak, wen, napalikmutanak,Ngem iti nagan ni Jehova,Pinaatrasko ida. 12  Inaribungbongandak a kasda la alimbubuyog,Ngem kasda la apuy a nagbiit a naiddep iti kasiitan. Iti nagan ni Jehova,Pinaatrasko ida.+ 13  Naiduronak* iti napigsa tapno matumbaak,Ngem tinulongannak ni Jehova. 14  Ni Jah ti bilegko ken mangsalaknib kaniak,Isu ti mangisalakan kaniak.+ 15  Adda panagragsak ken pannakaisalakan*Kadagiti tolda dagiti nalinteg. Ti makannawan nga ima ni Jehova ket mangipakpakita iti pannakabalin.+ 16  Naingato ti makannawan nga ima ni Jehova gapu iti balligi;Ti makannawan nga ima ni Jehova ket mangipakpakita iti pannakabalin.+ 17  Saanakto a matay, wen, agtultuloyakto nga agbiag,Tapno maipakaammok dagiti aramid ni Jah.+ 18  Nadagsen ti panangdisiplina kaniak ni Jah,+Ngem saannak nga inyawat ken patay.+ 19  Ilukatyo dagiti ruangan ti kinalinteg;+Sumrekak kadagita ket idaydayawko ni Jah. 20  Daytoy ti ruangan ni Jehova. Dagiti nalinteg ti sumrek iti dayta.+ 21  Idaydayawka ta sinungbatannak+Ken sika ti nangisalakan kaniak. 22  Ti bato nga imbelleng dagiti agibangbangonKet nagbalin a kangrunaan a bato a pasuli.*+ 23  Naggapu daytoy ken Jehova;+Ket nakaskasdaaw dayta kadatayo.+ 24  Daytoy ti aldaw nga inkeddeng ni Jehova;Agrag-otayo ken agragsaktayo iti dayta. 25  O Jehova, ipakaasimi nga isalakannakami! O Jehova, pangngaasim ta pagballigiennakami! 26  Mabendisionan koma daydiay umay iti nagan ni Jehova;+Bendisionandakayo manipud iti balay ni Jehova. 27  Ni Jehova ket Dios;Ik-ikkannatayo iti lawag.+ Bayat ti piesta, makikaduakayo kadagiti nakaiggem iti sangsanga ket agmartsakayo+Agingga kadagiti sara ti altar.+  28  Sika ti Diosko, ket idaydayawka;O Diosko, idaydayawka.+  29  Agyamankayo ken Jehova,+ ta isu ket naimbag;Agnanayon ti napudno nga ayatna.+

Footnotes

Ti “Jah” ket napaababa a porma ti nagan a Jehova.
Wenno “nalawa a lugar.”
Wenno mabalin a, “kadagiti tumultulong kaniak.”
Wenno mabalin nga, “Induronnak.”
Wenno “panagballigi.”
Lit., “nga ulo iti nagsulian.”