Salmo 26:1-12

  • Panagbiag nga awan pagkuranganna

    • “Sukimatennak, O Jehova” (2)

    • Saan a pannakikadua kadagiti managdakdakes (4, 5)

    • ‘Agmartsaakto iti aglikmut ti altar ti Dios’ (6)

Salmo ni David. 26  Ukomennak, O Jehova, ta agbibiagak nga awan pagkuranganna;+Kanayon nga agtalekak ken Jehova.+  2  Sukimatennak, O Jehova, ken subokennak;Pasudiem dagiti kaunggan a pampanunotko* ken ti pusok.+  3  Ta silalagipak iti napudno nga ayatmo,Ket magnaak iti insurom a dalan ti kinapudno.+  4  Saanak a makikadua* kadagiti naulbod a tattao,+Ken liklikak dagidiay mangilimed iti kinasiasinoda.*  5  Kagurak ti amin nga agar-aramid iti dakes,+Ket saanak a makikadua* kadagiti managdakdakes.+  6  Bugguakto dagiti imak a mangipakita nga awan basolko,Ket iti aglikmut ti altarmo, O Jehova, agmartsaakto,  7  Tapno ipangngegko ti panagyamanko,+Ken ipakaammok ti amin a nakaskasdaaw nga aramidmo.  8  Jehova, ipatpategko ti balaymo,+Ti lugar nga ayan ti dayagmo.+  9  Dinak iraman a pukawen a kadua dagiti managbasol+Wenno dinak patayen a kadua dagiti naranggas,* 10  A nakababain ti aramid dagiti imada,Ken napno iti pasuksok ti makannawan nga imada. 11  Ngem no siak, agbiagak nga awan pagkuranganna. Arayatennak* ken kaasiannak. 12  Agtaktakderak iti patad a disso;+Iti dakkel a kongregasion,* idaydayawkonto ni Jehova.+

Footnotes

^ Wenno “kaunggan nga emosionko.” Lit., “dagiti batok.”
^ Lit., “makikatugaw.”
^ Wenno “diak makilangen kadagiti managinsisingpet.”
^ Lit., “makikatugaw.”
^ Wenno “mammapatay.”
^ Lit., “Subbotennak.”
^ Lit., “Kadagiti asamblea.”

Copyright daytoy a publikasion