Salmo 136:1-26
136 Agyamankayo ken Jehova ta isu ket naimbag;+Agnanayon ti napudno nga ayatna.+
2 Agyamankayo iti Dios dagiti dios,+Ta agnanayon ti napudno nga ayatna.
3 Agyamankayo iti Apo dagiti apo,Ta agnanayon ti napudno nga ayatna.
4 Isuna laeng ti mangar-aramid iti nakaskasdaaw unay a bambanag,+Ta agnanayon ti napudno nga ayatna.+
5 Inusarna ti siribna* a nangaramid iti langit,+Ta agnanayon ti napudno nga ayatna.
6 Inyaplagna ti daga iti rabaw ti dandanum,+Ta agnanayon ti napudno nga ayatna.
7 Inaramidna dagiti nagdadakkel a silaw,+Ta agnanayon ti napudno nga ayatna.
8 Ti init nga agturay iti aldaw,+Ta agnanayon ti napudno nga ayatna,
9 Ti bulan ken dagiti bituen nga agturay iti rabii,+Ta agnanayon ti napudno nga ayatna.
10 Pinatayna dagiti inauna nga annak idiay Egipto,+Ta agnanayon ti napudno nga ayatna.
11 Inruarna ti Israel manipud iti tengngada,+Ta agnanayon ti napudno nga ayatna,
12 Babaen ti mannakabalin nga ima+ ken nabileg* a takiag,Ta agnanayon ti napudno nga ayatna.
13 Binisngayna* ti Nalabaga a Baybay,+Ta agnanayon ti napudno nga ayatna.
14 Pinaballasiwna ti Israel iti tengnga dayta,+Ta agnanayon ti napudno nga ayatna.
15 Impalnedna ni Faraon ken ti armadana idiay Nalabaga a Baybay,+Ta agnanayon ti napudno nga ayatna.
16 Inturongna dagiti tattaona iti let-ang,+Ta agnanayon ti napudno nga ayatna.
17 Pinatayna dagiti nabileg nga ari,+Ta agnanayon ti napudno nga ayatna.
18 Pinatayna dagiti mannakabalin nga ari,Ta agnanayon ti napudno nga ayatna,
19 Ni Sihon+ nga ari dagiti Amoreo,Ta agnanayon ti napudno nga ayatna,
20 Ken ni Og+ nga ari ti Basan,Ta agnanayon ti napudno nga ayatna.
21 Impatawidna kadakuada ti dagada,+Ta agnanayon ti napudno nga ayatna,
22 Impatawidna ken Israel nga adipenna,Ta agnanayon ti napudno nga ayatna.
23 Dinatay nalipatan idi malidlidaytayo,+Ta agnanayon ti napudno nga ayatna.+
24 Kanayon nga insalakannatayo kadagiti kabusortayo,+Ta agnanayon ti napudno nga ayatna.
25 Ik-ikkanna iti makan ti amin a sibibiag,*+Ta agnanayon ti napudno nga ayatna.
26 Agyamankayo iti Dios ti langit,Ta agnanayon ti napudno nga ayatna.
Footnotes
^ Wenno “pannakaawatna.”
^ Lit., “nakaunnat.”
^ Lit., “Biningayna iti adu a paset.”
^ Lit., “amin a lasag.”
