Salmo 88:1-18

  • Kararag tapno mailisi ken patay

    • “Ti biagko ket asidegen ken Tanem” (3)

    • ‘Binigat nga agkarkararagak kenka’ (13)

Kanta ti annak ni Kore.+ Iti direktor; iti estilo ti Mahalat,* agsinnublat ti pannakakantana. Maskil* ni Heman+ nga Ezrahita. 88  O Jehova, ti Dios a mangisalakan kaniak,+Iti aldaw, agpatulongak kenka,Ket iti rabii, umasidegak iti sanguanam.+   Dumanon koma kenka ti kararagko,+Iyasidegmo ta lapayagmo* iti panagpakaasik.+   Ta napno ti kararuak* iti didigra,+Ti biagko ket asidegen ken Tanem.*+   Naibilangakon kadagidiay bumabbaba iti abut;*+Nagbalinak a kakaasi,*+   Nabaybay-anak iti tengnga dagiti natayKas kadagiti napapatay nga agid-iddan iti tanem,Nga interamente a nalipatamonKen saanen nga umaw-awat iti tulongmo.*   Impisoknak iti kauunegan nga abut,Kadagiti nasipnget a lugar, iti dakkel a nakaun-uneg nga abut.   Nagdisso kaniak ti nakaro a pungtotmo,+Lemmesennak kadagiti agsabuag a dalluyonmo. (Selah)   Inyadayom kaniak dagiti am-ammok;+Pinagbalinnak a kagurgurada. Nasiluanak ket saanakon a makarukuas.   Kimmapsuten ti panagkitak gapu iti rigatko.+ Agmalmalem nga umaw-awagak kenka, O Jehova;+Ingatok dagiti imak bayat nga agkarkararagak kenka. 10  Agaramidka kadi kadagiti nakaskasdaaw a banag para kadagiti natay? Makabangon kadi dagiti natay tapno idaydayawdaka?+ (Selah) 11  Idiay tanem, maipakita aya ti napudno nga ayatmo,Iti lugar ti pannakadadael,* maipakita aya ti kinamatalekmo? 12  Iti kasipngetan, maammuanto aya dagiti nakaskasdaaw nga aramidmoWenno ti kinalintegmo iti daga dagiti nalipatanen?+ 13  Ngem agpakaasiak latta a tulongannak, O Jehova,+Binigat a dumanon kenka dagiti kararagko.+ 14  O Jehova, apay a baybay-annak?+ Apay a taltallikudannak?+ 15  Manipud pay kinaubingko,Agrigrigatakon ken kanayon a gistay matayak;+Nabibinegen ti riknak gapu iti kaadu dagiti rigat nga impalubosmo a dumteng kaniak. 16  Lapunosennak ti bumarbara nga ungetmo;+Dadaelennak ti pungtotmo. 17  Agmalmalem a pinalikmutandak a kas iti danum;Aggapuda iti amin a suli* a mangdarup kaniak. 18  Inyadayom kaniak dagiti gagayyemko ken kakaduak;+Ti kinasipnget ti nabati a kaduak.

Footnotes

Kitaem ti Glosario.
Kitaem ti Glosario.
Wenno “Agparintumeng ken agimdengka.”
Kitaem ti Glosario.
Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Wenno “tanem.”
Wenno “kas iti lalaki nga awan pigsana.”
Lit., “imam.”
Wenno “Iti Abaddon.”
Wenno mabalin nga, “Aggigiddanda.”