Mapan iti linaonna

Mapan iti listaan dagiti linaonna

 SALUDSOD 17

Kasano a Makatulong ti Biblia iti Pamiliam?

ASSAWA A LALLAKI/AMMA

“Kasta met, masapul nga ayaten ti asawa a lalaki ti asawana a babai kas iti bukodna a bagi. Ti lalaki a mangay-ayat ken baketna ay-ayatenna ti bagina, ta awan pay a pulos ti tao a nanggura iti bukodna a bagi, no di ket pakanen ken dungdungnguenna dayta . . . Ayaten koma ti tunggal maysa kadakayo ti asawana a babai a kas iti panagayatna iti bagina.”

Efeso 5:28, 29, 33

“Dakayo nga amma, diyo ruroden dagiti annakyo, no di ket itultuloyyo ida a padakkelen iti disiplina ken pammagbaga ni Jehova.”

Efeso 6:4

ASSAWA A BABBAI

“Masapul nga adda nauneg a respeto ti babai iti asawana a lalaki.”

Efeso 5:33

“Assawa a babbai, agpasakupkayo kadagiti lallakayyo, kas iti rumbeng nga aramiden dagiti pasurot ti Apo.”

Colosas 3:18

 ANNAK

“Annak, agtulnogkayo kadagiti nagannakyo maitunos iti pagayatan ti Apo, ta daytoy ket nalinteg. ‘Dayawem da tatang ken nanangmo’ ti umuna a bilin a kakuykuyog daytoy a kari: ‘Tapno naimbag ti pagbanagam ken atiddog ti biagmo ditoy daga.’”

Efeso 6:1-3

“Annak, agtulnogkayo kadagiti nagannakyo iti amin a banag, ta makaparagsak unay daytoy iti Apo.”

Colosas 3:20