Salmo 95:1-11
95 Umaykayo, agriawtayo a siraragsak ken Jehova!
Agriawtayo a siraragsak ken idaydayawtayo ti Dakkel a Bato a pakaisalakanantayo.+
2 Umasidegtayo iti sanguananna* tapno agyamantayo;+Agriawtayo a siraragsak ken agkantatayo iti panangidaydayaw kenkuana.
3 Ta ni Jehova ket naindaklan a Dios,Naindaklan nga Ari a nangatngato ngem iti amin a sabali a dios.+
4 Adda iti imana dagiti kauunegan a paset ti daga;Kukuana dagiti nangangato a bantay.+
5 Kukuana ti baybay a pinarsuana,+Ken inaramidna ti namaga a daga.+
6 Umaykayo, agdaydayaw ken agruknoytayo kenkuana;Agparintumengtayo ken Jehova a Nangaramid kadatayo.+
7 Ta isu ti Diostayo,Ket datayo ti tattao nga ipaspastoranna,Kaslatayo kadagiti karnero nga adda iti aywanna.*+
Ita, no imdenganyo ti timekna,+
8 Diyo patangkenen ti pusoyo a kas kadagidi ammayo idiay Meriba,*+Kas iti napasamak idi idiay Massa* iti let-ang,+
9 Idi sinubok ken kinaritdak,+Nupay nakitada dagiti inaramidko.+
10 Ginurak daydi a henerasion iti 40 a tawen, ket kinunak:
“Tattaoda a kanayon a nasukir ti pusoda;Saanda a sinurot ti daldalanko.”
11 Gapu iti ungetko, insapatak:
“Saandanto a makikadua kaniak iti panaginanak.”+
