Salmo 29:1-11
Kanta ni David.
29 Idaydayawyo ni Jehova, dakayo nga annak dagiti nabileg a tattao,Idaydayawyo ni Jehova gapu iti dayag ken pigsana.+
2 Itedyo ken Jehova ti dayag a maikari iti naganna.
Agruknoykayo* ken Jehova a nakasuotkayo iti nasantuan a bado.*
3 Ti timek ni Jehova ket mangngeg iti ngatuen dagiti dandanum;Ti nadayag a Dios ket kas iti gumgumluong a gurruod.+
Ni Jehova ket adda iti ngatuen ti adu a danum.+
4 Nabileg ti timek ni Jehova;+Nakapimpintas ti timek ni Jehova.
5 Ti timek ni Jehova ti mangtuktukkol kadagiti sedro;Wen, tumbaen ni Jehova dagiti sedro ti Lebanon.+
6 Paglagtuenna ti Lebanon* a kas iti urbon a baka,Paglagtuenna ti Sirion+ a kas iti urbon a kalakian a baka.
7 Ti timek ni Jehova ket mangpataud iti kimat;+
8 Ti timek ni Jehova ti manggunggon iti let-ang;+Dayyegen ni Jehova ti let-ang ti Kades.+
9 Ti timek ni Jehova ti mangkigtot iti ugsa isu nga aganakKen mangkalbo kadagiti kabakiran.+
Ket ibaga ti amin nga adda iti templona: “Madaydayaw koma ti Dios!”
10 Agtugtugaw ni Jehova iti tronona iti ngatuen ti manglayus a danum;*+Agtugtugaw ni Jehova kas Ari iti agnanayon.+
11 Papigsaen ni Jehova dagiti tattaona.+
Iyeg ni Jehova ti talna kadakuada kas bendisionna.+
Footnotes
^ Wenno “Agdaydayawkayo.”
^ Wenno mabalin a, “gapu iti kinangayed ti kinanasantuanna.”
^ Nalawag a ti kabambantayan ti Lebanon.
^ Wenno “ti nailangitan a taaw.”
