Salmo 63:1-11

  • Pannakailiw iti Dios

    • “Ti napudno nga ayatmo ket nasaysayaat ngem iti biag” (3)

    • ‘Mapnek kadagiti kasayaatan’ (5)

    • Panangpampanunot iti Dios iti rabii (6)

    • ‘Kumpetak iti Dios’ (8)

Kanta ni David, idi adda idiay let-ang ti Juda.+ 63  O Dios, sika ti Diosko, kanayon a sapsapulenka.+ Mailiwak* kenka.+ Agkakapsutak gapu iti iliwko kenkaIti namaga ken natikag a daga nga awan ti danumna.+   Isu a kinitaka iti nasantuan a disso;Nakitak ti pigsam ken ti dayagmo.+   Gapu ta ti napudno nga ayatmo ket nasaysayaat ngem iti biag,+Idaydayawnakanto ti mismo a bibigko.+   Isu nga idaydayawka bayat a sibibiagak;Iti naganmo, ingatokto dagiti imak.   Mapnekak kadagiti kasayaatan ken kabaknangan a bingay,*Isu a siraragsak nga idaydayawnakanto dagiti bibigko.+   Bayat a nakaiddaak, malaglagipka;Iti tengnga ti rabii pampanunotenka.+   Ta sika ti tumultulong kaniak,+Ket iti sirok dagiti payakmo, agriawak gapu iti ragsak.+   Kumpetak kenka;Siiirut nga ig-iggamannak ti makannawan nga imam.+   Dagidiay agpanggep a mangdadael iti biagko,*Iti kaunggan ti daga ti pagtungpalanda. 10  Mapapataydanto iti tadem ti espada;Lamutento dagiti chakal* dagiti bangkayda. 11  Ngem agragsakto ti ari kadagiti aramiden ti Dios kenkuana. Agragsakto* ti tunggal maysa nga umaw-awag Kenkuana,Ta pagulimekennanto dagiti agsasao iti saan nga agpayso.

Footnotes

Wenno “Mawaw ti kararuak.”
Lit., “kas iti taba ken kinalukmeg.”
Wenno “mangdadael iti kararuak; mangpatay kaniak.”
Wenno “sora.”
Wenno “Agpannakkelto.”