Salmo 38:1-22
Kanta ni David, kas maysa a palagip.*
38 O Jehova, dika koma agpungtot no tubngarennak,Saanka koma nga agunget no ilintegnak.+
2 Ta nauneg ti sinalput dagiti panam iti bagik,Ken nariknak a nadagsen ti imam kaniak.+
3 Agsaksakit ti intero a bagik* gapu iti pungtotmo.
Maburburiboranak* gapu iti basolko.+
4 Nalapunosak iti kaadu dagiti biddutko;+Kasda la iti nadagsen nga awit a diak kabaelan a susuonen.
5 Bimmangsit ken nagnana* dagiti sugatkoGapu iti kinamaagko.
6 Nakadumogak gapu iti leddaangko;Agmalmalem a magmagnaak a sililiday.
7 Maur-uram ti unegko,*Agsakit ti intero a bagik.+
8 Nabibinegak ken nadudog ti riknak;Mariribukan ti pusok isu nga umas-asugak iti napigsa.
9 O Jehova, ammom amin a tarigagayko,Ken saan a mailimed kenka dagiti saibbekko.
10 Agkebbakebba daytoy barukongko, naibusen ti pigsak,Kimmudrep metten ti panagkitak.+
11 Gapu iti sakitko, likliklikandak dagiti gagayyem ken kakaduak,Ken ad-adaywandak dagiti nasinged kaniak.
12 Dagidiay agpangpanggep a mangkettel iti biagko* ket nagipakat kadagiti silo;Padpadaksendak dagidiay agganggandat a mangdangran kaniak;+Agmalmalem a mangal-allilawda.
13 Ngem kas iti tuleng, diak dengdenggen ida;+Kas iti umel, saanak nga agsasao.+
14 Nagbalinak a kas iti tao a saan a makangngeg,Nga awan man la ti maibagana a pangdepensa iti bagina.
15 Ta nagur-urayak kenka, O Jehova,+Ket sinungbatannak, O Diosko a Jehova.+
16 Ta kinunak: “Saandak koma a pagkakatawaanWenno saanda koma nga agpangas no maigalis ti sakak.”
17 Ta dandaniakon matumba,Ken saan nga agsarsardeng ti ut-ot a marikriknak.+
18 Impudnok ti biddutko;+Mariribukanak gapu iti basolko.+
19 Ngem dagiti kabusorko ket nabileg* ken napigsa,*Immadu dagiti gumurgura kaniak nga awan gapgapuna.
20 Dakes ti insubadda iti naimbag nga inaramidko;Konkontraendak gapu iti panagaramidko iti nasayaat.
21 O Jehova, dinak baybay-an.
O Diosko, dinak ad-adaywan.+
22 Darasem ti umay tumulong kaniak,O Jehova, a mangisalakan kaniak.+
Footnotes
^ Wenno “tapno mangipalagip.”
^ Lit., “Awan ti nasalun-at a paset iti lasagko.”
^ Lit., “Awan ti talna kadagiti tulangko.”
^ Wenno “nagnunog.”
^ Lit., “Masinsinit unay dagiti patongko.”
^ Wenno “kararuak.”
^ Lit., “nasaranta.”
^ Wenno mabalin a, “Ngem adu dagiti bumusbusor kaniak nga awan gapgapuna.”
