Salmo 21:1-13

  • Dagiti bendision iti ari nga agtalek ken Jehova

    • Napaut a biag ti naited iti ari (4)

    • Maabakto dagiti kabusor ti Dios (8-12)

Iti direktor. Kanta ni David. 21  O Jehova, agragsak ti ari gapu iti pigsam;+Maragragsakan unay gapu iti panangisalakanmo!+   Pinatgam ti tarigagay ti pusona,+Ken intedmo ti kiddaw ti bibigna. (Selah)   Ta pinasarabuam iti naruay a bendision;Kinoronaam ti ulona iti puro* a balitok.+   Nagkiddaw iti biag, ket intedmo kenkuana+Ti napaut a biag* iti agnanayon nga awan inggana.   Gapu iti panangisalakanmo, naindaklan ti kinadayagna.+ Dayaw ken kinatan-ok ti intedmo kenkuana.   Agnanayon nga adda kenkuana ti bendisionmo;+Pagbalinem a naragsak gapu iti rag-o ti kaaddam.*+   Ta ti ari ket agtaltalek ken Jehova;+Gapu iti napudno nga ayat ti Kangatuan, pulos a dinto maan-ano.*+   Tiliwento ti imam ti amin a kabusormo;Tiliwento ti makannawan nga imam dagidiay gumurgura kenka.   Kas man la impuruakmo ida iti gumilgil-ayab nga urno inton agparangka kadakuada. Gapu iti pungtotna, dusaento ida ni Jehova, ket apuy ti manguramto kadakuada.+ 10  Dadaelemto dagiti annakda* ditoy daga,Ken ti amin a kaputotanda. 11  Ta pinanggepda ti agaramid iti dakes maibusor kenka;+Saanto nga agballigi dagiti planoda.+ 12  Ta pagatrasemto ida+Inton ibiatmo ti panam* kadakuada.* 13  Tumakderka ket ipakitam ti pigsam, O Jehova. Agkantakaminto iti panangidaydayaw* gapu iti pannakabalinmo.

Footnotes

Wenno “nasudi.”
Lit., “kaatiddog ti al-aldaw.”
Lit., “rupam.”
Wenno “agibar-ibar (agdiwengdiweng).”
Lit., “bungada.”
Lit., “parteng ti panam.”
Lit., “kadagiti rupada.”
Lit., “Agkanta ken agputarkaminto iti musika.”