Salmo 35:1-28

  • Panangikararag iti pannakaisalakan manipud kadagiti kalaban

    • Mapapanaw dagiti kabusor (5)

    • Panangidaydayaw iti Dios iti tengnga ti adu a tattao (18)

    • Magurgura nga awan gapgapuna (19)

Salmo ni David. 35  O Jehova, idepensam ti kasok kadagiti bumusbusor kaniak;+Labanam dagidiay lumablaban kaniak.+   Iggamam ti sarapam* ken ti dakkel a kalasagmo,+Umayka ket salaknibannak,+   Ilayatmo ti pika ken ti wasaymo kadagiti mangkamkamat kaniak.+ Ibagam kaniak: “Isalakanka.”+   Maibabain ken mapaay koma dagidiay mangan-anup iti biagko.*+ Umatras koma gapu iti bain dagidiay agplamplano a mangpatay kaniak.   Agbalinda koma a kasla taep nga itayab ti angin;Papanawen koma ida ti anghel ni Jehova.+   Agbalin koma a nasipnget ken nagalis ti dalandaBayat a kamkamaten ida ti anghel ni Jehova.   Ta awan gapgapuna a nangipakatda iti iket a pangtiliw kaniak;Awan gapgapuna a nangkalida iti abut a pakatnagak.   Madidigrada koma a dida mapakpakadaan;Matiliwda koma iti iket nga impakatda;Matnagda koma iti dayta ket madadaelda.+   Ngem agragsakakto gapu ken Jehova;Agragsakakto gapu iti panangisalakanna. 10  Ibagakto buyogen ti amin a pigsak: “O Jehova, asino ti kas kenka? Isalakanmo dagiti awan gawayna kadagiti napigpigsa,+Dagiti awan gawayna ken marigrigat kadagiti mangtaktakaw kadakuada.”+ 11  Tumakder dagiti ulbod a saksi maibusor kaniak,+Ipabpabasolda dagiti banag a saanko nga inaramid. 12  Dakes ti isubadda iti naimbag nga ar-aramidek,+Isu a kasta unay ti ladingitko. 13  Ngem nagbadoak iti nakersang idi nagsakitda,Pinarigatko ti bagik* babaen ti panagayunar,Ken idi saan a nasungbatan* ti kararagko, 14  Nagpagnapagnaak a kasla sangsangitak ti maysa a gayyem wenno kabsat;Nakadumogak nga agladladingit a kas iti anak a mangdungdung-aw iti inana. 15  Ngem idi natumbaak, kinatkatawaandak ken naguummongda;Naguummongda a nangtambang sadak kinabkabil;Minalmalodak ken didak sinardengan. 16  Pagang-angawan ken lalaisendak dagiti managdakdakes,*Agngarngarietda gapu iti pungtotda kaniak.+ 17  O Jehova, agingga iti kaano nga agbuybuyaka laeng?+ Arayatennak iti panangdarupda kaniak,+Isalakanmo ti napateg a biagko* manipud kadagiti urbon a leon.*+ 18  Ket agyamanakto kenka iti dakkel a kongregasion;+Idaydayawkanto iti tengnga ti adu a tattao. 19  Dimo ipalubos a pagkakatawaandak dagiti bumusbusor kaniak nga awan gapgapuna;Dimo ipalubos nga agkikinnidday a manguyaw kaniak+ dagiti manggurgura kaniak nga awan gapgapuna.+ 20  Ta saan a maipapan iti kappia ti ibagbagada;No di ket agplanoda iti makaallilaw a banag maibusor kadagiti mannakikappia iti daga.+ 21  Ipukpukkawda dagiti pammabasolda kaniak,Ibagbagada: “Aha! Nakitami ti inaramidmo.” 22  Nakitam dayta, O Jehova. Saanka koma nga agulimek lattan.+ O Jehova, saanka koma nga umadayo kaniak.+ 23  Agtignayka ket idepensanak,O Jehova a Diosko, ipakatmo ti hustisia iti kasok. 24  Ukomennak maitunos iti kinalintegmo,+ O Jehova a Diosko;Dimo ipalubos a pagkakatawaandak. 25  Dida koma pulos ibaga iti bagida: “Aha! Naalami met laengen ti kayatmi!” Dida koma pulos ibaga: “Naparmekmi met laengen.”+ 26  Maibabain ken maumsi koma aminDagidiay maragragsakan iti pannakadidigrak. Maibabain ken maipababa koma dagidiay mangtagtagibassit kaniak. 27  Ngem agriaw koma gapu iti ragsak dagidiay maragragsakan iti kinalintegko;Kanayon koma nga ibagada: “Maitan-ok koma ni Jehova, a maragragsakan iti natalna a panagbiag ti adipenna.”+ 28  Isarsaritanto ti dilak* ti kinalintegmo,+Ket agmalmalem nga idaydayawkanto.+

Footnotes

Bassit a kalasag a masansan nga awiten dagiti pumapana.
Wenno “kararuak.”
Wenno “kararuak.”
Wenno “idi nagsubli iti barukongko.”
Wenno mabalin nga, “Agiinnangaw dagiti managdakdakes para iti bassit a makan.”
Lit., “ti kakaisunak,” a tumukoy iti kararuana wenno biagna.
Wenno “burboran a bumaro a leon.”
Wenno “Pampanunotekto.”