Salmo 9:1-20
Iti direktor; iti Mut-labben.* Kanta ni David.
א [Alef]
9 O Jehova, idaydayawkanto iti amin a pusok;Ipakaammokto ti amin a nakaskasdaaw nga aramidmo.+
2 Agrag-o ken agragsakakto kenka;Agkantaakto iti panangidaydayaw* iti naganmo, O Kangatuan.+
ב [Beth]
3 Inton umatras dagiti kabusorko,+Matumba ken mataydanto iti imatangmo.
4 Ta idepensam ti umiso a kalintegak;Agtugawka iti tronom a mangukom a sililinteg.+
ג [Gimel]
5 Tinubngarmo dagiti nasion+ ken dinadaelmo dagiti managdakdakes,Pinunasmo dagiti naganda iti agnanayon nga awan inggana.
6 Namimpinsan a nadadael dagiti kabusor;Pinarutmo dagiti siudadda,Mapukawto ti amin a pakalaglagipan kadakuada.+
ה [He]
7 Ngem agnanayon ni Jehova iti tronona;+Sititibker nga insaadna ti tronona para iti hustisia.+
8 Nalinteg ti panangukomna kadagiti tattao iti daga;*+Kadagiti nasion, nalinteg dagiti desision nga ipatungpalna.+
ו [Waw]
9 Ni Jehova ket natalged a pagkamangan dagiti mairurumen,+Natalged a pagkamangan kadagiti tiempo ti rigat.+
10 Dagidiay makaammo iti naganmo ket agtalekto kenka;+Dimonto baybay-an dagidiay mangbirbirok kenka, O Jehova.+
ז [Zayin]
11 Agkantakayo iti panangidaydayaw ken Jehova nga agnanaed iti Sion;Ipakaammoyo dagiti aramidna kadagiti nasion.+
12 Ta laglagipen ida Daydiay mangibales iti darada;+Saanna a malipatan ti sangit dagiti marigrigatan.+
ח [Heth]
13 Kaasiannak, O Jehova; kitaem ti panangparigat kaniak dagiti gumurgura kaniak,Sika a mangaon kaniak iti ruangan ni patay,+
14 Tapno maipakaammok dagiti nagsayaat nga aramidmo kadagiti ruangan ti anak a babai ti Sion,+Ket agragsakak gapu kadagiti panangisalakanmo.+
ט [Teth]
15 Natnag dagiti nasion iti abut a kinalida;Nasiluan dagiti sakada iti silo nga impakatda.+
16 Agdindinamag ni Jehova gapu iti sentensia nga ipakatna.+
Natiliw ti managdakdakes iti silo nga inaramidna.+
Higgaion.* (Selah)
י [Yod]
17 Iti Tanem* ti papanan dagiti managdakdakes,Uray dagiti nasion a manglipat iti Dios.
18 Ngem saan nga agnanayon a mabaybay-an dagiti napanglaw,+Ti namnama dagiti naemma ket saanto a pulos mapukaw.+
כ [Kaf]
19 Tumakderka, O Jehova! Dimo ipalubos nga agballigi ti tao.
Maukom koma dagiti nasion iti imatangmo.+
20 Pagbutngem ida, O Jehova,+Tapno mabigbig dagiti nasion a tattaoda laeng. (Selah)
