Salmo 2:1-12

  • Ni Jehova ken ti dinutokanna

    • Katawaan ni Jehova dagiti nasion (4)

    • Isaad ni Jehova ti ari a pinilina (6)

    • Padayawanyo ti anak (12)

2  Apay a mariribukan dagiti nasionKen pagiinnarasaasan* dagiti tattao ti awan serserbina a banag?+   Agkaykaysa dagiti ari iti dagaKen aguummong* dagiti nangato nga opisial+A bumusor ken Jehova ken iti daydiay pinilina.*+   Ibagbagada: “Burakentayo dagiti posasdaKen ibellengtayo dagiti talida!”   Agkatawanto Daydiay agtugtugaw iti trono sadi langit;Katawaanto ida ni Jehova.   Iti dayta a tiempo, kasaritananto ida gapu iti ungetnaKen agbutengdanto gapu iti kasta unay a pungtotna,   Ibagbagana: “Siak a mismo ti nangisaad iti ari a pinilik+Iti Sion+ a nasantuan a bantayko.”   Bay-andak a mangipakaammo iti bilin ni Jehova;Kinunana kaniak: “Sika ti anakko;+Nagbalinak nga amam ita nga aldaw.+   Agdawatka kaniak ket itedkonto dagiti nasion a kas tawidmoKet kukuamto ti intero a daga.+   Rumekemto ida iti setro a landok,+Ket burakemto ida a kas iti banga.”+ 10  Isu nga ita, O ar-ari, agmasiribkayo;Agpaisurokayo,* dakayo nga uk-ukom iti daga. 11  Agserbi ken agbutengkayo ken Jehova,Agrag-o ken agraemkayo kenkuana. 12  Padayawanyo* ti anak,+ ta no saan, makapungtot ti DiosKet madadaelkayo+Ta bumtak a dagus ti ungetna. Naragsak ti amin nga agkamang Kenkuana.

Footnotes

Wenno “pampanunoten.”
Wenno “agbibinnalakad.”
Wenno “iti Kristona.”
Wenno “Denggenyo ti pakdaar.”
Lit., “Agepanyo.”