Salmo 19:1-14

  • Dagiti parsua ken linteg ti Dios ket mangpaneknek

    • “Ipakpakaammo ti langit ti dayag ti Dios” (1)

    • Ti perpekto a linteg ti Dios isublina ti napukaw a pigsa (7)

    • ‘Dagiti basolko a diak napupuotan’ (12)

Iti direktor. Kanta ni David. 19  Ipakpakaammo ti langit ti dayag ti Dios;+Iwarwaragawag ti tangatang dagiti aramid ti imana.+   Inaldaw nga adda ibagada,Ken rinabii nga adda ipakaammoda.   Saanda a makapagsao ken awan ti mayebkasda;Awan ti mangngeg a timekda.   Ngem nagsaknap ti mensaheda* iti intero a daga,Ket dimmanon dayta iti amin a suli ti mapagnaedan a daga.*+ Nangikabil ti Dios idiay langit iti tolda a para iti init;   Kayariganna ti nobio a rumrummuar iti kuartona;Maragragsakan a kas iti napigsa a tumataray a makilumlumba.   Iti maysa a pungto ti langit ti paggapuanna,Sa agrikus agingga iti sabali a pungtona;+Ket awan ti makalisi iti pudotna.   Perpekto ti linteg ni Jehova,+ isublina ti napukaw a pigsa.+ Mapagtalkan ti pammalagip ni Jehova,+ pagsiribenna daydiay awan kapadasanna.+   Nalinteg dagiti pammilin ni Jehova, paragsakenda ti puso;+Nadalus ti bilin ni Jehova, pagsilnagenna dagiti mata.+   Ti panagbuteng ken Jehova+ ket nagsayaat, agpaut iti agnanayon. Dagiti panangukom ni Jehova ket pudno ken nalinteg.+ 10  Napatpategda ngem iti balitok,Iti adu a puro* a balitok;+Ken nasamsam-itda ngem iti diro,+ iti puro a diro. 11  Dagiti lintegmo ti mamakdaar kaniak nga adipenmo;+No tungpalek ida, dakkel a gunggona ti masagrapko.+ 12  Asino ti makailasin kadagiti kamali?+ Pakawanennak kadagiti basolko a diak napupuotan. 13  Iliklikmo daytoy adipenmo kadagiti aramid ti natangsit;+Dimo ipalubos a tumulokak kadakuada.+ Tapno awanto ti pakababalawak,+Ken diak makaaramid kadagiti nakaro a basol.* 14  Dagiti sasao ti ngiwatko ken dagiti ut-utoben ti pusokKet makaay-ayo koma kenka,+ O Jehova, a Dakkel a Bato+ a pagkamangak ken Mannubbotko.+

Footnotes

Wenno mabalin a, “ti pagrukodda.”
Wenno “nabunga a daga.”
Wenno “nasudi.”
Wenno “adu a basol.”