Salmo 78:1-72

  • Panangaywan ti Dios ken ti kaawan pammati ti Israel

    • Ibaga iti sumaruno a henerasion (2-8)

    • “Saanda a nangipakita iti pammati iti Dios” (22)

    • “Bukbukel ti langit” (24)

    • “Pinaglidayda ti Nasantuan a Dios ti Israel” (41)

    • Manipud Egipto agingga iti Naikari a Daga (43-55)

    • ‘Intultuloyda a kinarit ti Dios’ (56)

Maskil.* Salmo ni Asaf.+ 78  Dakayo a tattaok, imdenganyo ti lintegko;*Iyasidegyo ti lapayagyo kadagiti ibaga ti ngiwatko.   Agsaoakto iti proverbio. Mangdakamatakto kadagiti nagkauna a burburtia.+   Dagiti nangngeg ken naammuantayoNga inestoria kadatayo dagidi ammatayo,+   Saantayto nga ilimed kadagiti annaktayo;Ibagatayto kadagiti sumaruno a henerasion+Dagiti agkakaimbag nga inaramid ni Jehova ken ti pigsana,+Dagiti nakaskasdaaw nga inaramidna.+   Nangted iti pammalagip kadagiti annak ni JacobKen nangaramid iti linteg iti Israel;Imbilinna kadagidi ammatayoNga ipakaammoda dagitoy kadagiti annakda,+   Tapno maammuan dagita ti sumaruno a henerasion,Dagiti maipasngayto pay laeng nga annak.+ Ken maipakaammoda met dagita kadagiti annakda.+   Gapu iti dayta, agtalekda iti Dios. Saanda a malipatan dagiti aramid ti Dios+No di ket tungpalenda dagiti bilinna.+   Iti kasta, saanda nga agbalin a kas kadagidi ammada,A nasukir ken rebelioso a henerasion,+Henerasion nga agbaliwbaliw* ti panunotda+Ken saan a matalek iti Dios.   Nagtagipana dagiti Efraimita,Ngem idi tiempo ti gubat immatrasda. 10  Saanda a matalek iti tulagda iti Dios,+Ken saanda a nagtulnog iti lintegna.+ 11  Linipatda met dagiti inaramidna,+Dagiti nagsasayaat nga inaramidna kadakuada.+ 12  Nakaskasdaaw dagiti inaramidna iti imatang dagidi ammada,+Idiay Egipto, iti rehion ti Zoan.+ 13  Binisngayna ti baybay tapno maiballasiwna ida,Ket pinagbalinna dagiti danum a kasla pader.*+ 14  Iti aldaw, indalanna ida babaen ti ulepKen iti agpatpatnag, babaen ti lawag ti apuy.+ 15  Binettakna dagiti dadakkel a bato iti let-ang,Pinainumna ida iti nagadu a danum agingga a napnapnekda.+ 16  Pinagubbogna ti dakkel a batoKen pinagayusna ti dandanum a kas kadagiti karayan.+ 17  Ngem intultuloyda latta ti nagbasol kenkuanaBabaen ti panagrebeldeda iti Kangatuan iti desierto;+ 18  Kinaritda* ti Dios iti pusoda+Babaen ti panagkiddawda iti makan nga il-iliwenda.* 19  Isu a nagsaoda maibusor iti Dios,Kinunada: “Maikkannatayo ngata ti Dios iti taraontayo ditoy let-ang?”+ 20  Agpayso nga isu ti nangpang-or iti dakkel a batoA pimsuakan ti danum a nagayus a kasla karayan.+ Ngem insaludsodda: “Maikkannatayo met ngata iti tinapay,Wenno maikkanna ngata iti karne ti ilina?”+ 21  Nakaunget ni Jehova idi nangngegna ida;+Dinusana dagiti annak ni Jacob babaen ti apuy,+Ket simged ti pungtotna maibusor iti Israel.+ 22  Gapu ta saanda a nangipakita iti pammati iti Dios;+Dida nagtalek iti pannakabalinna a mangisalakan kadakuada. 23  Isu a binilinna ti naulep a tangatang,Ket linuktanna dagiti ruangan ti langit. 24  Kanayon a pinagtinnagna a kasla tudo ti manna a kanenda;Inikkanna ida iti bukbukel ti langit.+ 25  Kinnan dagiti tattao ti taraon dagiti mannakabalin;*+Inikkanna ida iti kapkapnekanda.+ 26  Imbulosna iti tangatang ti angin ti dayaKen inyegna ti angin manipud iti abagatan babaen ti pannakabalinna.+ 27  Kas iti tapok ti kaadu ti karne nga intedna kadakuada,Kas iti kaadu ti darat ti baybay dagiti billit nga impaayna. 28  Pinagdissona dagita iti tengnga ti kampona,Iti intero nga aglawlaw dagiti toldana. 29  Nanganda ken nagbussogda;Intedna kadakuada ti tartarigagayanda.+ 30  Ngem sakbay pay a mapnekda iti taraon nga il-iliwenda,Ken bayat nga adda pay la dayta kadagiti ngiwatda, 31  Simged ti pungtot ti Dios kadakuada.+ Pinatayna dagiti kapipigsaan a lallaki+ iti IsraelAgraman dagiti agtutubo a lallaki. 32  Ngem intultuloyda latta ti nagbasol+Ken dida impakita ti pammatida kadagiti nakaskasdaaw nga aramidna.+ 33  Isu a pinagbalinna a kasla sang-aw ti kaababa ti biagda,+Ken pinagpatinggana dagiti tawtawenda babaen kadagiti kellaat a didigra. 34  Ngem no adda papatayenna idi kadakuada, birokenda isuna;+Agsublida ken sapulenda ti Dios, 35  Linagipda a ti Dios ti Dakkel a Bato+ a pagkamangandaKet ti Dios a Kangatuan ti mangisalakan*+ kadakuada. 36  Ngem pinadasda nga allilawen babaen ti sasaodaKen nagulbodda kenkuana babaen ti dilada. 37  Saan a napudno ti pusoda kenkuana;+Ken saanda a matalek iti tulagna.+ 38  Ngem isu ket naasi;+Pinakawanna* dagiti kamalida ken saanna a dinadael ida.+ Namin-adu nga inggawidna ti ungetna+Imbes nga ibulosna ti amin a pungtotna. 39  Ta linaglagipna a taoda* laeng,+Kas iti angin a lumabas ket saan nga agsubli.* 40  Namin-adu a nagrebeldeda kenkuana idiay let-ang+Ken sinaktanda ti riknana idiay desierto!+ 41  Maulit-ulit a sinubokda ti Dios,+Ken pinaglidayda* ti Nasantuan a Dios ti Israel. 42  Saanda a linagip ti pannakabalinna,*Daydi aldaw nga inispalna* ida manipud iti kabusor,+ 43  Idi nangaramid kadagiti pagilasinan idiay Egipto+Ken kadagiti milagro iti rehion ti Zoan, 44  Idi pinagbalinna a dara dagiti kanal ti Nilo+Tapno saanda a mainum dagiti danumna. 45  Nangibaon kadagiti bingraw a mangkagat kadakuada+Ken kadagiti tukak a mangdadael iti dagada.+ 46  Impakanna dagiti apitda kadagiti narawet a dudon,Ti bunga dagiti nagbannoganda kadagiti rineprep a dudon.+ 47  Pinagtudona iti uraro ket nadadael ti kaubasanda+Ken dagiti kayoda a sikomoro. 48  Tinupakanna iti uraro dagiti animalda+Ken nangyeg kadagiti kimat* a nakatayan dagiti tarakenda. 49  Imbulosna kadakuada ti bumarbara a pungtotna,Ti rungsot ken rurod ken pammarigatna,Nangibaon kadagiti anghel a mangdidigra kadakuada. 50  Saanna a linapdan ti pungtotna. Saanna ida nga inggawid iti pakatayanda;Ket inyegna kadakuada* ti makapapatay a sakit. 51  Kamaudiananna, pinatayna ti amin nga inauna nga annak iti Egipto,+Dagiti inauna a nayanak kadagiti tolda ni Ham. 52  Kas iti arban nga inruarna dagiti tattaona,+Ken kas iti pangen nga inturongna ida iti let-ang. 53  Saanda a naan-ano idi indalanna ida,Ken awan man la ti buteng a nariknada;+Linemmes ti baybay dagiti kabusorda.+ 54  Ket impanna ida iti nasantuan a teritoriana,+Iti daytoy a kabambantayan a nagun-odna babaen ti pannakabalinna.+ 55  Pinagtalawna dagiti nasion iti sanguananda;+Biningbingayna ti daga nga impatawidna kadakuada;+Ket pinagnaedna dagiti tribu ti Israel kadagiti pagtaenganda.+ 56  Ngem intultuloyda a kinarit* ti Kangatuan a Dios, ken nagrebeldeda kenkuana;+Saanda nga inkaskaso dagiti pammalagipna.+ 57  Pinanawanda ti Dios ket nagbalinda a traidor a kas kadagidi ammada.+ Saanda a maiturong a kas iti killo a pana.+ 58  Intultuloyda a pinagrurod ti Dios gapu kadagiti nangato a disso a nagdaydayawanda,+Pinagpungtotda* gapu kadagiti kinitikitan nga imahenda.+ 59  Nangngeg dayta ti Dios ket nakapungtot,+Isu nga inlaksidna a namimpinsan ti Israel. 60  Binaybay-annan ti tabernakulo ti Shilo,+Ti tolda a nagnaedanna iti tengnga dagiti tattao.+ 61  Impalubosna nga ipanaw dagiti kabusornaTi simbolo ti pigsa ken kinangayedna.+ 62  Impalubosna a mapapatay dagiti tattaona babaen ti espada+Ket bimtak ti pungtotna iti tawidna. 63  Inibus ti apuy dagiti babbarona,Isu a saanen a nakantaan iti sonata a pangkasar dagiti babbalasangna.* 64  Napapatay dagiti papadina babaen ti espada,+Ket saan a nagdung-aw dagiti nabalo nga assawada.+ 65  Pagammuan ta bimmangon ni Jehova a kasla nariing iti turog,+Kas iti nabileg a lalaki+ a nariing kalpasan a nakainum iti arak. 66  Ket pinapatayna dagiti kabusorna bayat a nagtatalawda;+Agnanayon a pannakaibabain ti impalak-amna kadakuada. 67  Inlaksidna dagiti annak ni Jose;Saanna a pinili ti tribu ni Efraim. 68  Pinilina ketdi ti tribu ni Juda,+Ti Bantay Sion nga ay-ayatenna.+ 69  Pinagbalinna ti santuariona a permanente a kas iti langit,*+Impasdekna dayta iti agnanayon a kas iti daga.+ 70  Pinilina ni David+ nga adipennaKadagiti kulongan ti karnero ti nangalaanna kenkuana,+ 71  Bayat nga agay-aywan idi kadagiti agpaspasuso a karnero;Pinagbalinna a pastor a mangaywan ken Jacob, nga ilina,+Ken iti Israel a tawidna.+ 72  Naan-anay ti pusona a nangipastor kadakuada,+Nainsiriban ti panangidaulona kadakuada.+

Footnotes

Kitaem ti Glosario.
Wenno “instruksionko.”
Lit., “a saan a nakasagana.”
Wenno “dam.”
Lit., “Sinubokda.”
Wenno “makan para iti kararuada.”
Wenno “dagiti anghel.”
Wenno “mangibales.”
Lit., “Inabbonganna.”
Lit., “lasagda.”
Wenno mabalin nga, “A ti espiritu ket pumanaw ken saanen nga agsubli.”
Wenno “sinaktanda ti rikna.”
Lit., “imana.”
Lit., “a sinubbotna.”
Wenno mabalin nga, “iti nakabarbara a gurigor.”
Lit., “iti biagda.”
Lit., “sinubok.”
Wenno “Pinagimonda.”
Lit., “Isu a saanen a naidaydayaw dagiti babbalasangna.”
Lit., “Nakangatngato ti imbangonna a santuariona.”