Salmo 132:1-18

  • Napili ni David ken ti Sion

    • “Dimo ilaksid daydiay dinutokam” (10)

    • Nakawesan iti pannakaisalakan dagiti papadi ti Sion (16)

Kanta Dagiti Sumangsang-at. 132  O Jehova, lagipem ni DavidKen ti amin a rigatna;+   No kasano a nagsapata kenka, Jehova,No kasano a nagkari kenka a Mannakabalin a Dios ni Jacob:+   “Diakto sumrek iti toldak, iti balayko.+ Saanakto nga agidda iti sopak, iti kamak;   Diakto ipalubos a makaturogak,Wenno agkidem dagiti matak,   Agingga a makabirokak iti lugar para ken Jehova,Iti nagsayaat a pagyanan* para iti Mannakabalin a Dios ni Jacob.”+   Nangngegmi dayta idiay Efrata;+Nabirokanmi dayta iti kabakiran.+   Sumrektayo iti pagyananna;*+Agruknoytayo iti sango ti pagbatayan ti sakana.+   Tumakderka, O Jehova, sumrekka iti pagyanam,+Sika ken ti Lakasa a simbolo ti pigsam.+   Dagiti papadim ket makawesan koma iti kinalinteg,Dagiti napudno kenka ket agriaw koma gapu iti ragsak. 10  Maigapu ken David nga adipenmo,Dimo ilaksid* daydiay dinutokam.*+ 11  Insapata ni Jehova ken David;Sigurado a dinanto ibabawi ti imbagana:“Maysa kadagiti kaputotam*Ti pagtugawek iti tronom.+ 12  No tungpalen dagiti annakmo ti tulagkoKen dagiti pammalagip nga ibagbagak kadakuada,+Agnanayon nga agtugawto met iti tronomDagiti annakda.”+ 13  Ta pinili ni Jehova ti Sion;+Dayta ti kayatna a pagyanan:+ 14  “Daytoy ti pagyanak iti agnanayon;Ditoy ti pagnaedak,+ ta dayta ti kayatko. 15  Itedkonto ti amin a kasapulanna;Pennekekto iti taraon* dagiti napanglaw nga umilina.+ 16  Pannakaisalakan ti ikaweskonto kadagiti papadina,+Ket agriawto a siraragsak dagiti napudno sadiay.+ 17  Nayonakto ti pigsa* ni David. Nangisaganaak iti silaw para iti dinutokak.*+ 18  Pannakaibabain ti ikaweskonto kadagiti kabusorna,Ngem agraniagto ti korona iti ulona.”+

Footnotes

Wenno “Iti naindaklan a tabernakulo.”
Wenno “naindaklan a tabernakulona.”
Lit., “Dimo patallikuden ti rupa.”
Wenno “pinulotam.”
Lit., “bunga ti aanakam.”
Lit., “tinapay.”
Lit., “sara.”
Wenno “pinulotak.”