Salmo 75:1-10
-
Patas ti panangukom ti Dios
-
Inumen dagiti managdakdakes ti kopa ni Jehova (8)
-
Iti direktor. Naisurot iti tono ti “Saanmo a Dadaelen.” Salmo ni Asaf.+ Kanta.
75 Agyamankami kenka, O Dios, agyamankami kenka;Adda kadakami ti naganmo,+Ket ipakaammo ti tattao dagiti nakaskasdaaw nga aramidmo.
2 Imbagam: “No mangikeddengak iti tiempo,Patas ti panangukomko.
3 Idi nagkintayeg* ti daga ken ti amin nga agnanaed iti dayta,Pinagtalinaedko a natibker dagiti adigina.” (Selah)
4 Kinunak kadagiti napangas: “Dikay agpangas,”Ket kadagiti managdakdakes: “Diyo pagpannakkel ti pigsayo.*
5 Diyo pagpannakkel ti pigsayo*Wenno saankayo nga agsao a sitatangsit.
6 Ta ti pannakaitan-ok ket saan nga aggapuIti daya wenno iti laud wenno iti abagatan.
7 Ta ti Dios ti Ukom.+
Adda tao nga ipababana ken adda met itan-okna.+
8 Ta adda kopa iti ima ni Jehova;+Agburburek ti arak ken adu ti laokna.
Sigurado nga ibukboknanto dayta,Ket inumento ti amin a managdakdakes ditoy daga agingga iti ared-edna.”+
9 Ngem agnanayon nga ipakaammokto dayta;Agkantaakto iti panangidaydayaw* iti Dios ni Jacob.
10 Ta kinunana: “Pukawekto ti amin a pigsa* dagiti managdakdakes.
Ngem manayonanto ti pigsa* dagiti nalinteg.”
Footnotes
^ Lit., “narunaw.”
^ Lit., “sarayo.”
^ Lit., “sarayo.”
^ Wenno “Agputarakto iti musika.”
^ Lit., “sara.”
^ Lit., “sara.”
