Salmo 91:1-16
91 Asinoman nga agnanaed iti nalemmeng a lugar ti Kangatuan+Ket agdagusto iti linong ti Mannakabalin-amin.+
2 Ibagakto ken Jehova: “Sika ti kamang ken salaknibko,+Ti Diosko a pagtalkakto.”+
3 Ta ispalennakanto iti silo ti agtiltiliw iti billit,Isalakannakanto iti makapapatay a sakit.
4 Salaknibannakanto dagiti payakna,*Ken agkamangkanto iti sirok dagiti payakna.+
Ti kinamatalekna+ ket agbalinto a dakkel a kalasag+ ken mangsalaknib a pader.*
5 Saanmonto a kabuteng dagiti peggad iti rabii,+Wenno ti pana a sumiag iti aldaw,+
6 Wenno ti makapapatay a sakit a dumteng iti rabii,Wenno ti pannakadadael a mapasamak iti tengnga ti aldaw.
7 Iti sikigam, matuangto ti sangaribuKen sangapulo a ribu iti makannawanmo,Ngem saankanto a maan-ano.+
8 Buyaemto laeng daytaBayat a masaksiam ti pannakadusa* dagiti managdakdakes.
9 Ta kinunam: “Ni Jehova ti kamangko,”
Pinagbalinmo ti Kangatuan a pagnaedam;*+
10 Awanto ti dakes a mapasamak kenka,+Ken awanto ti didigra a dumteng iti toldam.
11 Ta bilinenna dagiti anghelna+ a mangsalaknib kenka,Tapno bantayandaka iti amin a dalanmo.+
12 Sarapaendakanto+Tapno saan a masugat ta sakam iti bato.+
13 Baddekemto ti urbon a leon ken ti kobra;Payatemto ti burboran a leon ken ti dakkel nga uleg.+
14 Kinuna ti Dios: “Isalakankonto gapu ta ay-ayatennak,*+
Salaknibakto gapu ta ammona* ti naganko.+
15 Umawagto kaniak, ket sungbatakto.+
Addaakto kenkuana iti tiempo ti rigat.+
Alawekto ken padayawakto.
16 Gunggonaakto iti atiddog a biag,+Ipakitakto kenkuana dagiti panangisalakanko.”+
Footnotes
^ Wenno “Salukobannakanto.”
^ Wenno “baluarte.”
^ Lit., “pannakabales.”
^ Wenno mabalin a, “pagkamangam.”
^ Lit., “nakikadua kaniak.”
^ Wenno “bigbigenna.”
