Salmo 53:1-6

  • Nailadawan dagiti maag

    • “Awan ti Jehova” (1)

    • “Awan ti agar-aramid iti naimbag” (3)

Iti direktor; iti estilo ti Mahalat.* Maskil.* Salmo ni David. 53  Kuna dagiti maag* iti pusoda: “Awan ti Jehova.”+ Dakes ken makarimon dagiti nakillo nga ar-aramidenda.Awan ti agar-aramid iti naimbag.+   Ngem manipud idiay langit, kitkitaen ti Dios dagiti annak ti tattao,+Tapno ammuenna no adda masirib, ken no adda mangbirbirok ken Jehova.+   Timmallikudda amin;Agpapadada nga agar-aramid iti dakes. Awan ti agar-aramid iti naimbag,Awan uray maysa.+   Awan kadi ti pannakaawat dagiti managdakdakes? Ibusenda dagiti tattaok a kas iti panangibusda iti makan. Saanda nga umaw-awag ken Jehova.+   Ngem napalalonto ti panagbutengda,Panagbuteng a dida pay pulos narikrikna;*Ta iwarawaranto ti Dios dagiti tulang dagidiay rumaut kenka.* Inlaksid ida ni Jehova isu nga ibabainmonto ida.   Aggapu koma iti Sion ti pannakaisalakan ti Israel!+ Inton isubli ni Jehova dagidiay naipanaw iti ilina,Agrag-o koma ni Jacob, agragsak koma ti Israel.

Footnotes

Kitaem ti Glosario.
Kitaem ti Glosario.
Wenno “nengneng.”
Wenno mabalin a, “Panagbuteng nupay awan ti pagbutngan.”
Lit., “agkampo maibusor kenka.”