Salmo 113:1-9

  • Ti Dios bangonenna dagiti nanumo

    • Agnanayon a maidaydayaw ti nagan ni Jehova (2)

    • Agdumog ti Dios (6)

113  Idaydayawyo ni Jah!* Idaydayawyo, dakayo nga adipen ni Jehova,Idaydayawyo ti nagan ni Jehova.   Maidaydayaw koma ti nagan ni JehovaManipud ita ken iti agnanayon.+   Manipud iti isisingising ti init agingga iti ilelennekna,Maidaydayaw koma ti nagan ni Jehova.+   Adda ni Jehova iti ngatuen ti amin a nasion;+Ti dayagna ket adda iti ngatuen ti langit.+   Asino ti kas ken Jehova a Diostayo,+Daydiay agnanaed* iti ngato?   Agdumog tapno kitaenna ti langit ken ti daga,+   Bangonenna ti nanumo manipud iti tapok. Aonenna ti napanglaw manipud iti nabunton a dapo,*+   Tapno pagtugawenna iti abay dagiti natan-ok,Iti abay dagiti natan-ok iti ilina.   Ikkanna iti pagtaengan daydiay lupes*Kas naragsak nga ina dagiti annakna.*+Idaydayawyo ni Jah!*

Footnotes

Wenno “Hallelujah!” Ti “Jah” ket napaababa a porma ti nagan a Jehova.
Wenno “agtugtugaw iti tronona.”
Wenno mabalin a, “nabunton a basura.”
Saan nga agsikog.
Lit., “annakna a lallaki.”
Wenno “Hallelujah!” Ti “Jah” ket napaababa a porma ti nagan a Jehova.