Salmo 141:1-10

  • Panangikararag iti proteksion

    • ‘Ti kararagko ket kas koma iti insienso’ (2)

    • Ti panangtubngar ti nalinteg ket kas iti lana (5)

    • Matiliw dagiti managdakdakes kadagiti silo nga impakatda (10)

Kanta ni David. 141  O Jehova, umawagak kenka.+ Darasem ti tumulong kaniak.+ Ipangagnak no umawagak kenka.+   Maisagana koma ti kararagko kas insienso+ iti sanguanam,+Ingatok dagiti imak kas iti panagidaton iti bukbukel iti rabii.+   O Jehova, mangikabilka iti guardia iti ngiwatko,Pabantayam ti ruangan ti bibigko.+   Lapdam koma ti pusok nga agduyos iti aniaman a dakes,+Dimo ipalubos a makiramanak iti aramid dagiti managdakdakes;Saanak koma a pulos makipangan iti agkakaimas a taraonda.   No dusaennak daydiay nalinteg, panangipakita dayta iti napudno nga ayat;+Ket no tubngarennak, kasla lana dayta iti ulok,+A di pulos pagkedkedan ti ulok.+ Agtultuloyak nga agkararag uray kadagiti tiempo ti pannakadidigrana.   Uray no naipuruak dagiti ukomda iti derraas,Ipangagto dagiti tattao ti sasaok, ta makaay-ayoda.   No kasano nga araduen ken burboren ti maysa a tao ti daga,Kasta ti pannakaiwaras dagiti tulangtayo iti wangawangan ti Tanem.*   Ngem mangnamnamaak kenka, O Jehova a Kangatuan* nga Apo.+ Sika ti nagkamangak. Dimo pukawen ti biagko.*   Salaknibannak iti panangtiliw ti impakatda a silo kaniak,Kadagiti silo nga impakat dagiti agar-aramid iti dakes. 10  Agpapadanto a matiliw dagiti managdakdakes kadagiti silo nga impakatda+Bayat a lumabasak a di maan-ano.

Footnotes

Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Wenno “Soberano.”
Wenno “ibukbok ti kararuak.”