Salmo 47:1-9
Iti direktor. Salmo ti annak ni Kore.+ Kanta.
47 Agpalakpakkayo dakayo amin a tattao.
Gapu iti balligi, agriawkayo a siraragsak iti Dios.
2 Ta nakaskasdaaw ti Kangatuan a ni Jehova;+Isu ti naindaklan nga Ari iti intero a daga.+
3 Ipasakupna kadatayo dagiti tattao;Ipalubosna a parmekentayo dagiti nasion.+
4 Ipiliannatayo iti tawidtayo,+Ti pagpannakkel ni Jacob, nga ay-ayatenna.+ (Selah)
5 Timmakder ti Dios a nabuyogan iti naragsak a panagriaw;Immuli ni Jehova a nabuyogan iti uni ti tangguyob.*
6 Agkantakayo iti panangidaydayaw* iti Dios, agkantakayo iti panangidaydayaw.
Agkantakayo iti panangidaydayaw iti Aritayo, agkantakayo iti panangidaydayaw.
7 Ta ti Dios ket Ari iti intero a daga;+Agkantakayo iti panangidaydayaw, ken ipakitayo nga adda pannakaawatyo.
8 Ti Dios ket nagbalinen nga Ari kadagiti nasion.+
Agtugtugaw ti Dios iti nasantuan a tronona.
9 Nagtataripnong dagiti lider ti tattaoTapno makikaduada kadagiti tattao ti Dios ni Abraham.
Ta kukua ti Dios dagiti agtuturay* ditoy daga.
Isu ket naitan-ok iti kasta unay.+
Footnotes
^ Wenno “sara ti kalakian a kalding; trumpeta.”
^ Wenno “Agputarkayo iti musika.”
^ Lit., “kalasag.”
