Salmo 87:1-7
-
Ti Sion, ti siudad ti pudno a Dios
-
Dagidiay nayanak iti Sion (4-6)
-
Salmo ti annak ni Kore.+ Kanta.
87 Adda kadagiti nasantuan a bantay ti pundasion ti siudadna.+
2 Dakdakkel ti panagayat ni Jehova kadagiti ruangan ti Sion+Ngem iti amin a tolda ni Jacob.
3 Nagsasayaat dagiti maibagbaga kenka, O siudad ti pudno a Dios.+ (Selah)
4 Ibilangkonto ti Rahab+ ken ti Babilonia kadagidiay makaam-ammo* kaniak;Kitaenyo ti Filistia ken Tiro, agraman ti Cus.
Ibagakto maipapan iti tunggal maysa kadakuada: “Nayanak daytoy sadiay.”
5 Ket maibaganto maipapan iti Sion:
“Tunggal maysa ket nayanak kenkuana.”
Isu ket sititibkerto nga ipasdek ti Kangatuan.
6 Ibaganto ni Jehova inton ilistana dagiti tattao:
“Nayanak daytoy sadiay.” (Selah)
7 Ibaganto dagiti kumakanta+ ken dagidiay sumasala iti sirkulo a sala:+
“Sika ti paggapgapuan ti amin a banag.”*+
