Salmo 51:1-19

  • Kararag ti agbabbabawi

    • Managbasol sipud pannakayinaw (5)

    • “Dalusannak manipud iti basolko” (7)

    • “Mangparsuaka kaniak iti nadalus a puso” (10)

    • Saan a laksiden ti Dios ti nadunor a puso (17)

Iti direktor. Kanta ni David, idi napan ni propeta Natan kenkuana kalpasan a nakidenna ni David ken Bat-sheba.+ 51  Kaasiannak koma, O Dios, maitunos iti napudno nga ayatmo.+ Punasem dagiti salungasingko maitunos iti dakkel nga asim.+   Naan-anay a bugguannak iti biddutko,+Ket dalusannak iti basolko.+   Ta ammok dagiti salungasingko,Ken kanayon nga adda iti sanguanak* ti basolko.+   Maibusor kenka—kangrunaanna kenka*—a nagbasolak;+Dakes kadagiti matam ti inaramidko.+ Gapuna, nalintegka no agsaokaKen husto ti pangngeddengmo.+   Kitaem! Nayanakak nga addaan iti basol,Ket iti basol, inyinawnak ni inak.*+   Maragragsakanka iti napudno a puso;+Isurom ti pudno a kinasirib iti pusok.*   Dalusannak manipud iti basolko* tapno nasin-awak;+Bugguannak koma, tapno agbalinak a napudpudaw ngem iti niebe.+   Ipangngegmo koma kaniak ti panagragsak ken panagrag-o,Tapno agragsak dagiti rinumekmo a tulangko.+   Pakawanem* dagiti basolko,+Ken punasem* ti amin a biddutko.+ 10  O Dios, mangparsuaka kaniak iti nadalus a puso,+Ken ikkannak iti baro nga espiritu+ a natibker. 11  Dinak papanawen iti imatangmo;Ken dimo ikkaten kaniak ti nasantuan nga espiritum. 12  Isublim kaniak ti ragsak a nariknak idi insalakannak,+Tignayennak a situtulok nga agtulnog kenka.* 13  Isurokto dagiti dalanmo kadagiti nasukir,+Tapno agsubli kenka dagiti managbasol. 14  Ispalennak iti basolko a panangpapatay,+ O Dios, ti Dios a mangisalakan kaniak,+Tapno maragsakan ti dilak a mangipakaammo iti kinalintegmo.+ 15  O Jehova, luktam ti bibigko,Tapno maipakaammo ti ngiwatko ti pannakaidaydayawmo.+ 16  Ta saanmo a kayat ti daton—ta no kayatmo koma, itedko dayta;+Saanka a maragsakan iti sibubukel a daton a mapuoran.+ 17  Dagiti daton a pakaragsakan ti Dios ket ti nadudog nga espiritu;Ti nasugatan ken nadunor a puso, O Dios, saanmonto a laksiden.*+ 18  Gapu iti kinaimbagmo, aramidem ti naimbag iti Sion;Bangonem dagiti pader ti Jerusalem. 19  Ket maragsakankanto kadagiti daton ti kinalinteg,Dagiti daton a mapuoran ken dagiti sibubukel a daton;Ket maidatonto dagiti baka iti altarmo.+

Footnotes

Wenno “panunotko.”
Lit., “kenka laeng.”
Wenno “Managbasolakon sipud idi inyinawnak ni inak.”
Wenno “nalimed a kinataok.”
Lit., “Dalusannak manipud iti basolko babaen ti hisopo.”
Wenno “Tallikudam.”
Wenno “ikkatem.”
Lit., “Saranayennak koma babaen ti masindadaan nga espiritu.”
Wenno “umsien.”