Mapan iti linaonna

SAPULENYO TI TALNA!

2022 Kombension Dagiti Saksi ni Jehova

Naimpusuan nga awisendaka a mangbuya iti tallo-aldaw a kom­bension dagiti Saksi ni Jehova ita a tawen.

Gapu iti COVID-19 pandemic, maipabuya iti jw.org ti programa ti kombension ita a tawen. Agsasaruno a mai-post dagiti sesion iti bulan ti Hulio ken Agosto.

Libre ti Program. Saanmo a kasapulan ti ag-login wenno ag-register

Dagiti Tampok ti Programa

Sesion iti Biernes: Ammuem no kasano a makatulong ti ayat tapno natalna ti panunottayo ken ti relasiontayo iti sabsabali. Kitaem no apay a ti balakad ti Biblia kadagiti agassawa, nagannak, ken annak ket kasla “mapa a mangiturong iti natalna a pamilia.”

Sesion iti Sabado: Posible kadi a mariknatayo latta ti talna uray no agrigrigattayo gapu iti sakit, problema iti kuarta, kalamidad, wenno dadduma pay? Buyaem ti makapabang-ar a video a mangipakita iti ar-aramiden dagiti tattao iti intero a lubong tapno matagiragsakda ti talna.

Sesion iti Domingo: Talaga kadi a mabalintayo ti makigayyem iti Dios? Automatiko kadi dayta, wenno adda masapul nga aramidentayo? Denggem ti sungbat kadagita a saludsod iti naibatay-Biblia a palawag a “Posible Kadi a Magayyemtayo ti Dios?”

Makitam ti eskediul ti intero a programa ken mabuyam ti video maipapan kadagiti kombensionmi.