Salmo 73:1-28

  • Ti tao nga agbuteng iti Dios maisublina ti naespirituan a panangmatmatna

    • “Dandaniak nayaw-awan” (2)

    • “Agmalmalem a maburburiboranak” (14)

    • ‘Idi laeng simrekak iti santuario ti Dios’ (17)

    • Nagalis a disso ti ayan dagiti managdakdakes (18)

    • Ti iyaasideg iti Dios ket pagimbagan (28)

Kanta ni Asaf.+ 73  Ti Dios ket pudno a naimbag iti Israel, kadagidiay nadalus ti pusoda.+   Dandaniak nayaw-awan;Nagistayanak naikaglis.+   Ta immapalak kadagiti napasindayag*Idi makitak a narang-ay ti biag dagiti managdakdakes.+   Ta saanda a nagrigat idi matayda;Nasalun-at ti bagida.*+   Saanda nga agprobproblema a kas iti dadduma,+Ken saanda nga agrigrigat a kas iti sabsabali.+   Isu a ti kinatangsit ti pannakakuentasda;+Ti kinaranggas ti pannakabadoda.   Bumbumsog dagiti matada gapu iti kinabaknangda;*Narangrang-ayda payen ngem iti inar-arapaapda.   Agsaoda iti dakes ken manglaisda.+ Sipapangas nga ipangpangtada ti panangirurumenda.+   Tumukno sadi langit ti nalastog a panagsasaoda,Isaoda ti kaykayatda bayat a magmagnada ditoy daga. 10  Isu a sumurot kadakuada dagiti tattaona,Ket uminumda iti adu a danumda. 11  Ibagbagada: “Kasano koma nga ammo ti Dios?+ Talaga kadi nga ammo dagitoy ti Kangatuan?” 12  Wen, kasta dagiti managdakdakes, kanayon nga agnamnam-ayda.+ Agpabpabaknangda latta.+ 13  Sayang laeng a pinagbalinko a nadalus ti pusokKen binugguak dagiti imak tapno nadalusak.+ 14  Agmalmalem a maburburiboranak;+Binigat a makorkorehirak.+ 15  Ngem no imbagak dagitoy a bambanag,Kas met la trinaidorkon dagiti tattaom.* 16  Idi padasek a tarusan daytoy,Nariribukanak. 17  Idi laeng simrekak iti naindaklan a santuario ti DiosA naawatak ti masakbayanda. 18  Sigurado nga ipanmo ida iti nagalis a disso.+ Ituangmo ida iti pakadadaelanda.+ 19  Nagbiit ti pannakadadaelda!+ Nagalisto ti panagpatinggada idi dimteng ti nakabutbuteng a pannakadadaelda! 20  Kaslada iti tagtagainep a malipatan ti maysa apaman a makariing, O Jehova,Ilaksidmonto* ida inton agtignayka. 21  Ngem nasaem ti riknak,+Ken nagkaro ti ut-ot iti kaunggak.* 22  Saanak idi a manakem ken saanak a makaaw-awat;Kaslaak la animal nga awan ammona iti imatangmo. 23  Ngem ita, kanayonen a kaduaka;Ig-iggamamon ti makannawan nga imak.+ 24  Dagiti balakadmo ti mangidalan kaniak,+Ket kalpasanna, iturongnak iti kinadayag.+ 25  Gapu ta sika nga adda idiay langit ti kanayon a kaduak, Ditoy daga, awanen ti sabali pay a kasapulak.+ 26  Kumapsut man ti bagik ken ti pusok,Ngem ti Dios ti mangpapigsa iti pusok, ti dakkel a bato a pagkamangak. Isu ti agnanayon a bingayko.+ 27  Sigurado a madadaelto dagidiay umadayo kenka. Dadaelemto* ti amin a mangpanaw kenka iti immoral a pamay-an.*+ 28  Ngem ti iyaasidegko iti Dios ket pagimbagak.+ Ti Kangatuan* nga Apo a ni Jehova ti pagkamangak,Tapno amin nga aramidmo ket maideklarak.+

Footnotes

Wenno “nalastog.”
Wenno “Dakkel ti tianda.”
Lit., “kinalukmegda.”
Lit., “ti henerasion dagiti annakmo.”
Lit., “Umsiemto.”
Lit., “kadagiti batok.”
Lit., “Pagulimekemto.”
Wenno “saan a matalek kenka.”
Wenno “Soberano.”