Salmo 90:1-17

  • Dios nga agnanayon ken tao nga ababa ti biagna

    • Ti sangaribu a tawen ket kasla laeng idi kalman (4)

    • Agbiag ti tao iti 70-80 a tawen (10)

    • “Isuronakami no kasanomi a bilangen dagiti aldawmi” (12)

Kararag ni Moises, ti adipen ti pudno a Dios.+ 90  O Jehova, sika ti pagnaedanmi*+ iti amin a henerasion.   Sakbay a naipasngay dagiti bambantayWenno sakbay a pinaaddam* ti daga ken ti nabunga a daga,+Sika ti Dios, manipud iti agnanayon agingga iti agnanayon.*+   Ti tao ket pagsubliem iti tapok;Ibagam: “Agsublikayo, dakayo nga annak ti tattao.”+   Ta ti sangaribu a tawen kenka ket kas iti napalabas a maysa laeng nga aldaw,+Kas iti sumagmamano laeng nga oras iti rabii.   Pagpatinggaem ida;+ nagbalinda a kasla turog laeng;Kayariganda ti ruot nga agtubo iti bigat.+   Iti bigat, agsabong ken lumangto,Ngem iti rabii, malaylay ken magango.+   Ta mataykami gapu iti ungetmo+Ken mabutengkami iti pungtotmo.   Ammom dagiti kamalimi;*+Gapu iti lawag ta rupam, makitam dagiti nalimed nga aramidmi.+   Gapu iti pungtotmo, umababa dagiti aldawmi;*Ket kas iti arasaas* nga agpatingga dagiti tawenmi. 10  Ti biagmi ket agpaut iti 70 a tawen,Wenno 80+ no ti maysa ket naisangsangayan ti pigsana.* Ngem napnoda iti riribuk ken ladingit;Nagbiitda a lumabas, ket intono kuan, awankamin.+ 11  Asino ti makaammo iti kinakaro ti ungetmo? Ti pungtotmo ket kas kadakkel ti buteng a maikari kenka.+ 12  Isuronakami no kasanomi a bilangen dagiti aldawmi+Tapno agbalin a masirib ti pusomi. 13  Agsublika, O Jehova!+ Mabayagka pay kadi?+ Kaasiam dagiti adipenmo.+ 14  Binigat a pennekennakami iti napudno nga ayatmo,+Tapno makapagriawkami gapu iti ragsak ken makapagrag-okami+ iti intero a panagbiagmi. 15  Ipaayannakami iti adu a ragsak kas iti kaadu ti aldaw a panangparigatmo kadakami,+Kas iti kaadu ti tawen a pannakadidigrami.+ 16  Makita koma dagiti adipenmo ti aramidmo,Ken makitanto koma dagiti annakda ti kinangayedmo.+ 17  Adda koma kadakami ti parabur ni Jehova a Diosmi;Sapay koma ta pagballigiem* ti aramid dagiti imami. Wen, pagballigiem* ti aramid dagiti imami.+

Footnotes

Wenno mabalin a, “pagkamanganmi.”
Wenno “inyanakmo a kasla nabuyogan kadagiti panagpasikal.”
Wenno “manipud iti awan inggana agingga iti awan inggana.”
Lit., “Inkabilmo iti sanguanam dagiti kamalimi.”
Wenno “umababa ti biagmi.”
Wenno “sennaay.”
Wenno “gapu iti naisangsangayan a kinabilegna.”
Wenno “ipasdekmo a sititibker.”
Wenno “ipasdekmo a sititibker.”