Salmo 139:1-24

  • Am-ammo unay ti Dios dagiti adipenna

    • Saan a makalisi iti espiritu ti Dios (7)

    • “Nakaskasdaaw a pannakaaramidko” (14)

    • ‘Nakitanak idi maysaak pay laeng a sikog’ (16)

    • “Iturongnak iti dalan ti kinaagnanayon” (24)

Iti direktor. Salmo ni David. Kanta. 139  O Jehova, sinukimatnak, ket am-ammonak.+   Ammom no kaano nga agtugawak ken agtakderak.+ Mailasinmo dagiti pampanunotko uray iti adayo.+   Palpaliiwennak* no agbibiaheak ken no agid-iddaak;Ammom amin nga ar-aramidek.+   Sakbay pay nga adda sao a rummuar iti ngiwatko,Ammomon dayta, O Jehova.+   Addaka iti likudak ken iti sanguanak, pinalikmutannak;Ket iparabawmo ti imam kaniak.   Diak maawatan* dayta a pannakaammom. Nakaun-uneg ket diak matarusan.*+   Sadino ti papanak tapno malisiak ti espiritum,Ken sadino ti pagtarayak tapno maadaywak ti rupam?+   No umuliak idiay langit, addaka sadiay,No agiddaak idiay Tanem,* addaka met la sadiay.+   No agtayabak babaen iti payak ti parbangonTapno agyanak iti kaadaywan a baybay, 10  Uray idiay iturongnak ti imamKen tulongannak ti makannawan nga imam.+ 11  No ibagak: “Sigurado nga ilemmengnak ti sipnget!” Ti rabii ket agbalin a nalawag kaniak. 12  Uray ti sipnget ket saan a nakasipsipnget kenka,No di ket ti rabii ket kas iti karaniag ti aldaw;+Agpada laeng kenka ti sipnget ken lawag.+ 13  Ta sika ti nangaramid kadagiti batok;*Binukelnak* iti aanakan ni inak.+ 14  Idaydayawka ta makapaamanga ti nakaskasdaaw a pannakaaramidko.+ Nakaskasdaaw dagiti aramidmo,+Ammok unay dayta. 15  Saan a nailemmeng kenka dagiti tulangkoIdi naaramidak iti nalimed,Idi dumakdakkelak iti aanakan ni inak.*+ 16  Nakitanak uray idi maysaak pay laeng a sikog;Amin a pasetna ket naisurat iti libromMaipapan kadagidi aldaw a nabukelda,Sakbay a naadda dagiti paset ti bagik. 17  Isu a para kaniak, nakapatpateg dagiti pampanunotmo!+ O Dios, talaga a nakaad-adu dagita!+ 18  No padasek a bilangen ida, ad-aduda ngem iti darat.+ No agriingak, addaak latta kenka.*+ 19  O Dios, patayem koman dagiti managdakdakes!+ Tapno panawandakon dagiti naranggas* a tattao, 20  Dagidiay igaggagarada ti agsao iti mangpadakes kenka;*Isuda dagiti kalabanmo ken awan serserbi ti panangusarda iti naganmo.+ 21  Saan kadi a kagurak dagidiay manggurgura kenka, O Jehova,+Ken karurodko dagidiay agrebrebelde kenka?+ 22  Kanayon a kagurgurak ida;+Talaga a kabusbusorko ida. 23  O Dios, sukimatennak ket ammuem ti pusok.+ Usigennak ken ammuem ti madandanagan* a pampanunotko.+ 24  Kitaem no adda aniaman a dakes kaniak,+Ket iturongnak+ iti dalan ti kinaagnanayon.

Footnotes

Lit., “Rukrukodennak.”
Wenno “Nakaskasdaaw unay kaniak.”
Wenno “diak matukod.”
Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Iti Ingles, “kidney.”
Wenno mabalin a, “Sinukognak.”
Lit., “Idi nasangalak iti kauunegan a paset ti daga.”
Wenno mabalin a, “madamaakto pay laeng nga agbilbilang kadagita.”
Wenno “mammapatay.”
Wenno “maitunos iti kapanunotanda.”
Wenno “mariribukan.”