Salmo 41:1-13
Iti direktor. Kanta ni David.
41 Naragsak ti asinoman a mangipakpakita iti konsiderasion iti nanumo;+Isalakanto ni Jehova iti aldaw ti kalamidad.
2 Ni Jehova ti mangsaluad ken mangsalaknib kenkuana.
Isu ket maawaganto a naragsak ditoy daga;+Dimonto pulos ited isuna kadagiti kabusorna.*+
3 Bayat ti panagsakitna, saranayento ni Jehova iti iddana;+Bayat a naidalit, sigurado a pasayaatemto ti riknana.
4 Ta kinunak: “O Jehova, paraburannak.+
Paimbagennak+ ta nagbasolak kenka.”+
5 Ngem padpadaksendak dagiti kabusorko:
“Kaanonto a matay ken malipatan ti naganna?”
6 No umaynak kitaen ti maysa kadakuada, saan nga agpayso ti ibagbagana iti un-unegna.
Agsagap iti isarsaritananto a pagdaksak;Sa rummuar ket iwarasna dayta.
7 Pagiinnarasaasandak ti amin a gumurgura kaniak;Agplamplanoda iti dakes maibusor kaniak:
8 “Nakaro a sakit ti kimpet kenkuana;Ita ta naidaliten, saanton a makabangon.”+
9 Uray ti pagtaltalkak a nadekket a gayyemko+A makipangpangan iti tinapayko inkusayna ti mukodna kaniak.*+
10 Ngem paraburannak, O Jehova, ken bangonennak,Tapno masupapakak ida.
11 Iti kasta maammuakto a maragsakanka kaniak:
Inton ti kabusorko ket saan a makapagriaw kaniak gapu iti balligi.+
12 Tulongannak gapu ta matalekak,+Iti imatangmo agnanayon nga aywanannak.+
13 Maidaydayaw koma ni Jehova a Dios ti IsraelIti agnanayon.*+
Amen ken Amen.
Footnotes
^ Wenno “iti pagayatan dagiti kabusorna.”
^ Wenno “maibusor kaniak.”
^ Wenno “Manipud iti awan inggana agingga iti awan inggana.”
