Salmo 101:1-8

  • Awan pagkuranganna nga agturay

    • ‘Diak maanusan ti kinapangas’ (5)

    • “Paborakto dagiti matalek a tattao” (6)

Salmo ni David. Kanta. 101  Agkantaakto maipapan iti napudno nga ayat ken hustisia. Agkantaakto iti panangidaydayaw* kenka, O Jehova.   Agtignayakto a sisisirib ken awan pakababalawanna.* Kaanonto nga umayka kaniak? Iti uneg ti balayko, awanto ti pagkurangan ti pusok.+   Diakto kitaen ti aniaman nga awan serserbina.* Kagurak ti ar-aramiden dagidiay saan a sumursurot iti umiso;+Diak ida pagan-ano.*   Adaywak dagidiay nakillo ti pusoda;Diak awaten* ti aniaman a dakes.   Asinoman a sililimed a mangpadpadakes iti kaarrubana,+Pagulimekekto.* Diak maanusanTi asinoman a napangas ken nangato ti panagkitkitana iti bagina.   Paborakto dagiti matalek a tattao iti daga,Tapno makipagnaedda kaniak. Agserbinto kaniak dagidiay awan pakababalawanna.*   Awanto ti manangallilaw nga agnaed iti balayko,Ken awanto ti naulbod nga agtakder iti sangok.*   Tunggal bigat, pagulimekekto* amin dagidiay managdakdakes iti daga,Tapno maikkat ti amin nga agar-aramid iti dakes iti siudad ni Jehova.+

Footnotes

Wenno “Agputarakto iti musika.”
Wenno “awan pagkuranganna.”
Wenno “awan kaes-eskanna.”
Wenno “Diak paginteresan ti ar-aramidenda.”
Lit., “ammuen.”
Wenno “Pukawekto.”
Wenno “awan pagkuranganna.”
Lit., “sango dagiti matak.”
Wenno “pukawekto.”