Salmo 110:1-7

  • Ari ken padi a kas ken Melkisedek

    • ‘Agturayka iti tengnga dagiti kabusormo’ (2)

    • Dagiti boluntario nga agtutubo a kas iti linnaaw (3)

Salmo ni David. Kanta. 110  Imbaga ni Jehova iti Apok: “Agtugawka iti makannawanko+Agingga nga ikabilko dagiti kabusormo a pagbatayan dagiti sakam.”+   Manipud idiay Sion, itedto kenka ni Jehova ti setro ti pannakabalinmo, nga ibagbagana: “Mapanka iti tengnga dagiti kabusormo ket parmekem ida.”+   Sisasagananto dagiti tattaom nga agboluntario iti aldaw nga idauluam ti puersa militarmo.* Ti buyot dagiti agtutubom ket kas kadagiti linnaaw iti parbangon.Nakapimpintas ti nasantuan a langada.   Insapata ni Jehova ket dina balbaliwan ti panunotna:* “Maysaka a padi iti agnanayon+A kas ken Melkisedek!”+   Addanto ni Jehova iti makannawanmo;+Dadaelennanto dagiti ari iti aldaw ti ungetna.+   Ukomennanto dagiti nasion;+Punnuennanto ti daga kadagiti bangkay.+ Dadaelennanto ti lider* ti nalawa a daga.*   Isu* ket uminumto iti waig iti igid ti dalan. Kalpasanna, tumangadto.

Footnotes

Wenno “iti aldaw nga agtignay ti armadam.”
Wenno “dina ibabawi.”
Lit., “ulo.”
Wenno “ti intero a daga.”
Tumukoy iti “Apok” iti ber. 1.