Salmo 96:1-13

  • “Kantaanyo ni Jehova iti baro a kanta”

    • Ni Jehova, maikari unay a maidaydayaw (4)

    • Awan serserbi dagiti dios ti tattao (5)

    • Panagkawes iti nasantuan a bado iti panagdaydayaw (9)

96  Kantaanyo ni Jehova iti baro a kanta.+ Kantaanyo ni Jehova, dakayo amin iti daga!+   Kantaanyo ni Jehova, idaydayawyo ti naganna. Inaldaw nga iwaragawagyo ti naimbag a damag ti panangisalakanna.+   Ipakaammoyo ti dayagna kadagiti nasion,Dagiti nakaskasdaaw nga aramidna iti amin a tattao.+   Naindaklan ni Jehova ken maikari unay a maidaydayaw. Ad-adda a nakaskasdaaw ngem iti amin a sabali a dios.   Awan serserbi ti amin a dios dagiti tattao;+Ngem ni Jehova ti nangaramid iti langit.+   Iti ayanna, adda kinadayag* ken kinangayed;+Iti santuariona, adda pigsa ken kinapintas.+   Idaydayawyo ni Jehova, dakayo a pamilia dagiti tattao,Idaydayawyo ni Jehova gapu iti dayag ken pigsana.+   Itedyo ken Jehova ti dayag a maikari iti naganna;+Mangitugotkayo iti sagut ket sumrekkayo iti paraanganna.   Agruknoykayo* ken Jehova a nakasuotkayo iti nasantuan a bado;*Agbutengkayo kenkuana, dakayo amin iti daga! 10  Ipakaammoyo kadagiti nasion: “Nagbalinen nga Ari ni Jehova!+ Natibker ti pannakaipasdek ti daga,* saan a magaraw.* Patas ti panangukomna kadagiti* tattao.”+ 11  Agragsak koma ti langit, ken agrag-o koma ti daga;Agdaranudor koma ti baybay ken ti amin nga adda iti dayta;+ 12  Agrag-o koma dagiti talon ken ti amin nga adda kadagita.+ Siraragsak met koma nga agpukkaw ti amin a kayo iti kabakiran+ 13  Gapu ken Jehova, ta um-umayen,*Um-umayen a mangukom iti daga. Nalinteg ti panangukomnanto iti mapagnaedan a daga*+Matalek ti panangukomnanto kadagiti tattao.+

Footnotes

Wenno “dignidad.”
Wenno “Agdaydayawkayo.”
Wenno mabalin a, “gapu iti kinangayed ti kinanasantuanna.”
Wenno “nabunga a daga.”
Wenno “magunggon.”
Wenno “panangirupirna iti kalintegan dagiti.”
Wenno “dimtengen.”
Wenno “nabunga a daga.”