Salmo 7:1-17
-
Ni Jehova ket nalinteg nga Ukom
-
“O Jehova, ukomennak” (8)
-
Dung-aw* ni David a kinantana ken Jehova maipapan kadagiti imbaga ni Cus a Benjaminita.
7 O Jehova a Diosko, nagkamangak kenka.+
Isalakannak iti amin a mangidaddadanes kaniak ket ispalennak.+
2 Ta no saan, rangrangkayendak a kas iti aramiden ti leon,+A mangipanaw kaniak ket awan ti mangispal kaniak.
3 O Jehova a Diosko, no siak ti nakabasol,No adda aniaman nga inaramidko a di umiso,
4 No sinubadak iti dakes daydiay mangar-aramid iti naimbag kaniak,+Wenno sinamsamko dagiti sanikua ti kabusorko nga awan gapgapuna,*
5 Bay-am ngarud a kamaten ken tiliwennak ti kabusorko;Ket pagpatinggaenna ti biagkoKen baybay-annak a maibabain iti nakatayak a disso. (Selah)
6 Tumakderka, O Jehova, gapu iti ungetmo;Sanguem ti pungtot dagiti kabusorko;+Umaynak tulongan, ket ipatungpalmo ti hustisia.+
7 Aguummong koma dagiti nasion iti aglawlawmo;Ket manipud iti ngato, agtignayka maibusor kadakuada.
8 Sentensiaanto ni Jehova dagiti tattao.+
O Jehova, ukomennak maitunos iti kinalintegkoKen maitunos iti integridadko.+
9 Pangngaasim ta pagpatinggaem dagiti dakes nga aramid dagiti nakillo.
Ngem pasayaatem ti kasasaad dagiti nalinteg,+Ta nalintegka a Dios+ a mangsuksukimat iti puso+ ken iti kaunggan nga emosion.*+
10 Ti Dios ti kalasagko,+ ti Manangisalakan kadagidiay nalinteg ti pusoda.+
11 Ti Dios ket nalinteg nga Ukom,+Ket inaldaw nga ipakaammo ti Dios dagiti sentensiana* kadagiti nadangkes.
12 No adda saan nga agbabawi,+ asaenna ti espadana;+Isaganana ti bai ti panana ket ipaturongna iti puntiriana.+
13 Isaganana dagiti makapapatay nga armasna;Isaganana nga ibiat dagiti sumsumged a panana.+
14 Kitaem daydiay mangisikog iti kinadakes;Iyinawna ti riribuk ket ipasngayna ti kinaulbod.+
15 Agkali iti nauneg nga abut,Ngem matnagto iti mismo a kinalina.+
16 Agsublinto met laeng kenkuana ti riribuk a pinataudna;+Agtupakto iti ulona ti mismo a kinaranggasna.
17 Idaydayawkonto ni Jehova gapu iti kinahustisiana,+Agkantaakto iti panangidaydayaw* iti nagan ti Kangatuan a ni Jehova.+
