Salmo 5:1-12
Iti direktor ti Nehilot.* Kanta ni David.
5 Imdengam dagiti ibagak, O Jehova;+Ipangagmo dagiti panagsennaayko.
2 Imdengam ti panagasugko,Ta agkararagak kenka, O Arik ken Diosko.
3 Iti agsapa, O Jehova, denggem ti timekko;+Iti bigat, ibagak dagiti pakadanagak+ ket urayek ti sungbatmo.
4 Ta sika ket Dios a saan a maragsakan iti kinadakes;+Awan ti managdakdakes a makipagnaed kenka.+
5 Awan ti natangsit a makapagtakder iti sanguanam.
Kaguram ti amin nga agar-aramid iti dakes;+
6 Dagiti agul-ulbod ket dadaelemto.+
O Jehova, kaguram dagiti naranggas ken manangallilaw a tattao.*+
7 Ngem gapu ta dakkel ti napudno nga ayatmo,+ sumrekakto iti balaymo;+Agruknoyakto iti sanguanan ti nasantuan a templom* gapu iti panagbutengko kenka.+
8 O Jehova, iturongnak iti nalinteg a dalanmo tapno malisiak dagiti kabusorko;Simpaem ti pagnaak a dalanmo.+
9 Ta saan a mapagtalkan ti amin nga ibagbagada;Puro kinadakes ti adda iti pusoda;Kasla silulukat a tanem ti karabukobda;Mangpatpatiray-ok ti dilada.*+
10 Ngem ti Dios dusaennanto ida;Madadaeldanto gapu kadagiti planoda.+
Mapagtalawda koma gapu iti kaadu ti basolda,Ta nagrebeldeda kenka.
11 Ngem agrag-onto ti amin nga agkamang kenka;+Dinto agsardeng ti panagriawda gapu iti ragsak.
Salaknibamto ida,Dagiti mangipatpateg iti naganmo ket makipagrag-onto kenka.
12 Ta bendisionamto ti asinoman a nalinteg, O Jehova;Kas iti dakkel a kalasag, paraburam ken salaknibamto ida.+
