Salmo 86:1-17

  • Awan ti dios a kas ken Jehova

    • Sisasagana ni Jehova a mangpakawan (5)

    • Agdaydayawto ken Jehova ti amin a nasion (9)

    • “Isuronak maipapan iti dalanmo” (11)

    • “Pagkaykaysaem ti pusok” (11)

Kararag ni David. 86  O Jehova, iyasidegmo ta lapayagmo,* ket sungbatannak,Ta marigrigatanak ken napanglawak.+   Salaknibam ti biagko,* ta napudnoak kenka.+ Isalakanmo ti adipenmo nga agtaltalek kenka,Ta sika ti Diosko.+   Kaasiannak koma, O Jehova,+Ta agmalmalem nga umaw-awagak kenka.+   Paragsakem daytoy adipenmo,*Ta sika, O Jehova, ti pangipapaayak iti biagko.   Ta naimbagka+ ken sisasaganaka a mangpakawan,+ O Jehova;Aglaplapusanan ti napudno nga ayatmo kadagiti umaw-awag kenka.+   Imdengam, O Jehova, ti kararagko;Ket ipangagmo dagiti panagpakpakaasik iti tulongmo.+   Umawagak kenka iti tiempo ti panagrigatko,+Ta sigurado a sungbatannakto.+   Awan ti dios a kas kenka, O Jehova,+Awan ti makaaramid kadagiti ar-aramidem.+   Ti amin a nasion nga inaramidmoKet umayto ken agruknoyda iti sanguanam, O Jehova,+Ken idaydayawdanto ti naganmo.+ 10  Ta naindaklanka ken nakaskasdaaw dagiti aramidmo;+Sika ti Dios, siksika laeng.+ 11  O Jehova, isuronak maipapan iti dalanmo.+ Determinadoak a magna iti kinapudnom.+ Pagkaykaysaem ti pusok* nga agbuteng iti naganmo.+ 12  Idaydayawka iti amin a pusok, O Jehova a Diosko,+Ken agnanayon nga itan-okko ti naganmo, 13  Ta dakkel ti napudno nga ayatmo kaniak,Ken insalakanmo ti biagko* manipud iti kaunegan a paset ti Tanem.*+ 14  O Dios, darupendak dagiti natangsit a tattao;+Kayat dagiti naranggas a tattao a kettelen ti biagko,*Ken saandaka a raraemen dagita a tattao.*+ 15  Ngem sika, O Jehova, ket Dios a naasi ken mannakipagrikna,*Nabannayatka nga agpungtot ken dakkel ti napudno nga ayatmo ken kanayon a matalekka.*+ 16  Sanguennak ken kaasiannak.+ Papigsaem daytoy adipenmo,+Isalakanmo ti anak ti adipenmo a babai. 17  Mangipakitaka kaniak iti pagilasinan* ti kinaimbagmo,Tapno makita dayta dagiti manggurgura kaniak ket maibabainda. Ta sika, O Jehova, ti tumultulong ken mangliwliwa kaniak.

Footnotes

Wenno “agparintumeng ken agimdengka.”
Wenno “kararuak.”
Wenno “ti kararua ti adipenmo.”
Wenno “Ikkannak iti saan a nabingay a puso.”
Wenno “kararuak.”
Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Wenno “kararuak.”
Wenno “saandaka nga insaad iti sanguananda.”
Wenno “nakonsiderar.”
Wenno “napudnoka.”
Wenno “ebidensia.”