Salmo 143:1-12

  • Kasla iti nakamagmaga a daga a mawaw iti Dios

    • ‘Pampanunotek a naimbag ti aramidmo’ (5)

    • “Isuronak a mangaramid iti pagayatam” (10)

    • ‘Iturongnak koma ti naimbag nga espiritum’ (10)

Kanta ni David. 143  O Jehova, denggem ti kararagko;+Imdengam ti panagpakaasik iti tulongmo. Sungbatannak gapu iti kinamatalek ken kinalintegmo.   Saanmo koma nga ukomen ti adipenmo,Ta awan ti sibibiag a nalinteg iti sanguanam.+   Ta birbirokennak ti kabusorko;Pinarparigatnak agingga nga inabaknak. Pinagyannak iti kasipngetan a kas kadagiti nabayagen a natay.   Maup-upayak;*+Awanen ti pigsak.+   Malagipko ti napalabas;Ut-utobek ti amin nga aramidmo;+Kaykayatko a panunoten a naimbag* ti aramid dagiti imam.   Ingatok dagiti imak nga agkararag kenka;Kaslaak la iti nakamagmaga a daga a mawaw kenka.+ (Selah)   Sungbatannak a dagus, O Jehova;+Awanen ti pigsak.*+ Dinak tallikudan,+Amangan no maipadaak kadagidiay bumabbaban iti abut.*+   Iti bigat, ipangngegmo kaniak ti napudno nga ayatmo,Ta agtalekak kenka. Isurom kaniak ti dalan a masapul a pagnaak,+Ta sika ti pagkararagak.*   Alawennak kadagiti kabusorko, O Jehova. Agkamangak kenka.+ 10  Isuronak a mangaramid iti pagayatam,+Ta sika ti Diosko. Naimbag ti espiritum;Iturongnak koma iti patag a disso.* 11  Maigapu iti naganmo, O Jehova, pagtalinaedennak a sibibiag. Gapu iti kinalintegmo, aonennak iti rigat.+ 12  Gapu iti napudno nga ayatmo, papatayem* dagiti kabusorko;+Dadaelem ti amin a mangrirriribuk kaniak,+Ta siak ti adipenmo.+

Footnotes

Wenno “Kumapkapsutak.”
Wenno “nga adalen.”
Lit., “espirituk.”
Wenno “tanem.”
Wenno “Ta sika ti pangtedak iti kararuak.”
Wenno “iti daga ti kinalinteg.”
Lit., “pagulimekem.”