Salmo 27:1-14

  • Ni Jehova ti natalged a pagkamangan ti biagko

    • Panangipateg iti templo ti Dios (4)

    • Ni Jehova ket mangaywan uray no dagiti nagannak ket saan (10)

    • “Manginanamaka ken Jehova” (14)

Salmo ni David. 27  Ni Jehova ti silawko+ ken mangisalakan kaniak. Asino koma ti kabutengko?+ Ni Jehova ti natalged a pagkamangan ti biagko.+ Asino koma ti kaamakko?   Idi dinarupdak dagiti managdakdakes tapno patayendak,+Dagiti kalaban ken kabusorko ti naitibkol ken natumba.   Uray agkampo ti armada iti aglawlawko,Saanto nga agkebba ti barukongko.+ Uray adda manggubat kaniak,Natalgedto latta ti riknak.   Adda kiniddawko ken Jehova—Dayta ti kayatko a mapatgan koma—Nga agnaedak koma iti balay ni Jehova iti unos ti panagbiagko,+Tapno maimatangak ti kinaimbag ni JehovaKet makitak ken maipategko* ti templona.*+   Ta ilemmengnak iti pagnaedanna inton aldaw ti didigra;+Italimengnak iti nalimed a lugar iti toldana;+Ikabilnak iti rabaw ti nangato a dakkel a bato.+   Nangatngaton ti ayanko ngem kadagiti kabusorko a nangpalawlaw kaniak;Agdatonakto iti toldana a siraragsak;Agkantaakto iti panangidaydayaw* ken Jehova.   Denggennak, O Jehova, no umasugak;+Paraburannak ken sungbatannak.+   Ibagbaga ti pusok daytoy a bilinmo: “Birokendak.” Determinadoak a mangbirok kenka, O Jehova.+   Dinak koma tallikudan.+ Dimo koma papanawen daytoy adipenmo no makaungetka. Sika ti katulongak;+Dinak koma baybay-an wenno panawan, O Diosko, a mangisalakan kaniak. 10  Uray no baybay-andak da amak ken inak,+Ni Jehova a mismo ti mangaywan kaniak.+ 11  O Jehova, isurom kaniak ti dalanmo,+Iturongnak iti dana ti kinalinteg tapno maadaywak dagiti kabusorko. 12  Saannak nga iyawat kadagiti kalabanko;+Ta adda dagiti nagtestigo iti saan a pudno maibusor kaniak,+Ket ipangpangtada a ranggasandak. 13  Sadino ngata koma itan ti ayanko no awan pammatikA makitak ti kinaimbag ni Jehova iti daga dagiti sibibiag?*+ 14  Manginanamaka ken Jehova;+Papigsaem ti pakinakemmo ken bumilegka.+ Wen, manginanamaka ken Jehova.

Footnotes

Wenno “mapanunotko a naimbag.”
Wenno “santuariona.”
Wenno “Agputarakto iti musika.”
Wenno mabalin a, “Sigurado nga adda pammatik a makitak ti kinaimbag ni Jehova iti daga dagiti sibibiag.”