Salmo 108:1-13

  • Kararag tapno agballigi manipud kadagiti kabusor

    • Saan a mapangnamnamaan ti panangisalakan dagiti tattao (12)

    • “Ti Dios ti mangpabilegto kadatayo” (13)

Kanta ni David. 108  O Dios, natibker ti pusok. Ti intero a kinataok* ket agkanta ken agputar iti musika.+   Agriingka, O pagtokar nga adda kuerdasna; ken uray sika, O arpa.+ Agriingakto a masapa.*   Idaydayawkanto iti tengnga dagiti tattao, O Jehova,Iti tengnga dagiti nasion, agkantaakto iti panangidaydayaw* kenka.   Ta dakkel ti napudno nga ayatmo, kas iti kangato ti langit,+Ken dumanon iti tangatang ti kinamatalekmo.   O Dios, maitan-okka koma iti ngatuen ti langit;Maipadayagka koma iti intero a daga.+   Tapno maispal dagiti ipatpategmo,Isalakannakami babaen ti makannawan nga imam ket sungbatannak.+   Gapu ta nasantuan* ti Dios, imbagana: “Agrag-oakto, ipatawidkonto ti Sikem,+Ken rukodekto ti Tanap* ti Succot.+   Kukuak ti Gilead+ ken uray ti Manases,Ket ti Efraim ti helmet* ti ulok;+Ti Juda ti sarukod ti komanderko.+   Ti Moab ti palanggana a pagbugguak.+ Ipalladawkonto idiay Edom ti sandaliasko.+ Iriawkonto idiay Filistia ti panagballigi.”+ 10  Asinonto ti tumulong kaniak a mangsakup iti napaderan a siudad? Asinonto ti mangiturong kaniak agingga idiay Edom?+ 11  Saan aya a sika, O Dios, a nangilaksid kadakami,Ti Diosmi, a saanen a kumuykuyog kadagiti armadami?+ 12  Tulongannakami iti rigatmi,+Ta saan a mapangnamnamaan ti panangisalakan dagiti tattao.+ 13  Ti Dios ti mangpabilegto kadatayo,+Ket parmekennanto dagiti kabusortayo.+

Footnotes

Lit., “Uray ti dayagko.”
Wenno “Riingekto ti parbangon.”
Wenno “agputarakto iti musika.”
Wenno mabalin nga, “Iti nasantuan a lugar.”
Wenno “Kapatagan.”
Lit., “sarikedked.”