Salmo 55:1-23

  • Kararag idi trinaidor ti maysa a gayyem

    • Inumsi ti nasinged a gayyem (12-14)

    • “Ipalladawmo ken Jehova ti dadagsenmo” (22)

Iti direktor; akompaniaran ti dekuerdas a pagtokar. Maskil.* Salmo ni David. 55  O Dios, denggem ti kararagko,+Ken ipangagmo ti panagpakpakaasik.*+   Imdengannak ken sungbatannak.+ Diak makaturturog ta madanaganak,+Ken mariribukanak   Gapu iti ibagbaga dagiti kabusorKen iti panangparigat dagiti managdakdakes. Kanayon nga ik-ikkandak iti problema,Ken dida sumardeng a manggurgura kaniak.+   Agkebbakebba ti barukongko,+Ken maam-amakak unay gapu iti pangta ni patay.+   Madandanagan ken mabutbutengak,Isu nga agpigpigergerak.   Sangkaibagak: “No la koma adda payakko a kas iti kalapati! Tumayabak ken agsapulak iti natalged a pagyanak.   Mapanak iti adayo.+ Idiayak let-ang nga agdisso.+ (Selah)   Agdardarasak a mapan iti natalged a paglinonganNga adayo iti napigsa nga angin ken bagyo.”   Riribukem ida, O Jehova, ken lapdam dagiti planoda,*+Ta nakitak ti kinaranggas ken riribuk iti siudad. 10  Aldaw ken rabii a magmagnada iti rabaw dagiti paderna;Adda panaggiginnura ken riribuk iti unegna.+ 11  Madaddadael ti unegna;Kanayon nga adda dagiti maidaddadanes ken maal-allilaw iti plasana.+ 12  Ta saan a maysa a kabusor ti mangum-umsi kaniak;+Ta no kabusor koma, maanusak. Saan a maysa a kalaban ti bumusbusor kaniak;Ta no kalaban koma, mailemmengak. 13  Ngem sika gayam a tao a kas kaniak*+A kaduak ken am-ammok unay.+ 14  Nasingedta pay met idi nga aggayyem;Agkuykuyogta idi a mapan iti balay ti Dios a kadua ti adu a tattao. 15  Madadael koma dagiti kabusorko!+ Maikalida koma a sibibiag iti Tanem;*Ta dakes ti agnanaed kadakuada ken ti adda iti pusoda. 16  Ngem umawagakto iti Dios,Ket isalakannakto ni Jehova.+ 17  Iti bigat, tengnga ti aldaw, ken rabii, mariribukanak ken umas-asugak,*+Ket dengdenggennak.+ 18  Ispalennakto* kadagiti kabusorko ken ipaayannak iti talna,Ta nakaad-adu ti kalabanko.+ 19  Dumngegto ti Dios ken agtignay maibusor kadakuada,+Daydiay nakatugaw iti trono sipud pay idi un-unana.+ (Selah) Dagidiay saan nga agbuteng iti Dios,+Saanda a kayat ti agbalbaliw. 20  Dinarupna* dagidiay saanna a kabusor;+Saanna a tinungpal ti tulagna.+ 21  Nalamlamuyot ngem iti mantekilia ti panagsasaona,+Ngem adda gura iti pusona. Nalamlamuyot ngem iti lana ti panagsasaona,Ngem kaslada kadagiti natadem nga espada.+ 22  Ipalladawmo ken Jehova ti dadagsenmo,+Ket saranayennakanto.+ Dinanto pulos ipalubos a matumba* ti nalinteg.+ 23  Ngem iti kauunegan nga abut ti pangipisokamto kadakuada, O Dios.+ Ababa ti biag dagidiay nakapatay ken mangal-allilaw.+ Ngem no siak, agtalekakto kenka.

Footnotes

Kitaem ti Glosario.
Wenno “Ken dika aglemmeng no agkararagak tapno agpatulong.”
Lit., “guduaem ti dilada.”
Wenno “padak met la a tao.”
Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Wenno “nakatagtagariak.”
Lit., “Subbotennakto.”
Kayatna a sawen, ti dati a gayyem a nadakamat iti ber. 13 ken 14.
Wenno “agibar-ibar; agdiwengdiweng.”