Salmo 33:1-22

  • Panangidaydayaw iti Namarsua

    • “Kantaanyo iti baro a kanta” (3)

    • Panamarsua babaen ti sao ken espiritu ni Jehova (6)

    • Ti naragsak a nasion ni Jehova (12)

    • Ti mangbambantay a mata ni Jehova (18)

33  Dakayo a nalinteg, siraragsak nga agriawkayo gapu ken Jehova.+ Isu ket rumbeng laeng nga idaydayaw dagiti nalinteg.   Agyamankayo ken Jehova a madanggayan iti arpa;Agkantakayo iti panangidaydayaw* a matokaran iti instrumento a sangapulo ti kuerdasna.   Kantaanyo iti baro a kanta;+Laingenyo a kutengtengen dagiti kuerdas, a madanggayan iti napigsa ken naragsak a boses.   Ta nalinteg ti sao ni Jehova,+Ken mapagtalkan ti amin nga aramidna.   Ay-ayatenna ti kinalinteg ken kinahustisia.+ Napno ti daga iti napudno nga ayat ni Jehova.+   Babaen ti sao ni Jehova, ti langit ket naparsua,+Ken babaen ti espiritu* ti ngiwatna, naaramid ti amin a linaonna.*   Urnongenna dagiti danum iti baybay a kas iti pader;*+Ikabilna dagiti napegges a dandanum kadagiti pagurnongan.   Agbuteng koma ken Jehova ti intero a daga.+ Agraem koma kenkuana dagiti agnanaed iti nabunga a daga.   Ta insaona ket napaaddada;+Imbilinna ket naparsuada.+ 10  Pinaay ni Jehova dagiti panggep* dagiti nasion;+Dinadaelna dagiti plano* dagiti tattao.+ 11  Ngem dagiti desision* ni Jehova ket agtalinaed iti agnanayon;+Saan a pulos nga agbalbaliw dagiti panggep ti pusona. 12  Naragsak ti nasion a ni Jehova ti Diosna,+Ti ili a pinilina kas kukuana.+ 13  Tumantannawag ni Jehova manipud langit;Kitkitaenna ti amin nga annak ti tattao.+ 14  Manipud iti lugar a pagnanaedanna,Matmatmatanna dagiti agnanaed iti daga. 15  Isu ti mangsuksukog iti amin a puso;Suksukimatenna ti amin nga aramidda.+ 16  Saan a ti kadakkel ti armada ti makaisalakan iti maysa nga ari;+Saan a ti dakkel a pannakabalin ti nabileg a tao ti mangisalakan kenkuana.+ 17  Ti kabalio ket saan a mapangnamnamaan a mangisalakan;*+Uray nakapigpigsa, dina maipasigurado ti pannakaispalmo. 18  Kitaenyo! Ti mata ni Jehova ti mangbambantay kadagidiay agbuteng kenkuana,+Kadagidiay mangin-inanama iti napudno nga ayatna, 19  Tapno ilisina ida manipud ken patayKen pagtalinaedenna ida a sibibiag iti tiempo ti nakaro a bisin.+ 20  Manginanamatayo ken Jehova. Isu ti katulongantayo ken kalasagtayo.+ 21  Agragsaktayo gapu kenkuana,Ta agtalektayo iti nasantuan a naganna.+ 22  Agtalinaed koma kadakami ti napudno nga ayatmo, O Jehova,+Bayat nga itultuloymi ti aguray kenka.+

Footnotes

Wenno “Agputarkayo iti musika.”
Wenno “anges.”
Lit., “amin nga armadada.”
Wenno “dam.”
Wenno “balakad.”
Wenno “pampanunoten.”
Wenno “balakad.”
Wenno “mangyeg iti balligi.”