Salmo 81:1-16
Iti direktor; iti Gittith.* Salmo ni Asaf.+
81 Agriawkayo a siraragsak iti Dios a mangpappapigsa kadatayo.+
Agriawkayo a siraragsak ken idaydayawyo ti Dios ni Jacob.
2 Patokarenyo ti musika, mangalakayo iti pandereta,Arpa a makaay-ayo ti unina ken dekuerdas a pagtokar.
3 Puyotenyo ti tangguyob iti baro a bulan+Ken iti kabus, iti aldaw ti piestatayo.+
4 Ta linteg dayta iti Israel,Bilin dayta ti Dios ni Jacob.+
5 Impaayna dayta a kas pammalagip ken Jose+Idi sinursor ti Dios ti intero nga Egipto.+
Adda timek* a nangngegko ngem diak ammo no asino ti agsasao:
6 “Inikkatko ti nadagsen nga awit iti abagana;+Awanen ti basket nga ig-iggamanna.
7 Immawagka idi marigrigatanka, ket insalakanka;+Manipud iti aggurgurruod a naulep a tangatang,* sinungbatanka.+
Sinubokka idiay dandanum ti Meriba.*+ (Selah)
8 Denggem, O ilik, agtestigoak maibusor kenka.
O Israel, no la koma ta imdengannak.+
9 Awanto ti sabali a dios iti tengngayo,Ket saankayto nga agdaydayaw iti sabali a dios.+
10 Siak ni Jehova a Diosyo,Daydiay nangiruar kadakayo idiay Egipto.+
Agngangakayo ket pakanenkayo agingga a mabsogkayo.+
11 Ngem saan nga impangag dagiti tattaok ti timekko;Saan nga agtultulnog kaniak ti Israel.+
12 Isu nga impalubosko a surotenda ti nasukir a pusoda;Inaramidda ti ipagarupda a pagsayaatanda.*+
13 No immimdeng la koma kaniak dagiti tattaok,+No sinurot la koma ti Israel ti daldalanko!+
14 Nagbiit la koma nga inabakko dagiti kabusorda;Dinusak koma dagiti kalabanda.+
15 Mabutbutengto a sumango ken Jehova dagidiay bumusbusor kenkuana,Agpautto iti agnanayon ti pannakadidigrada.*
16 Ngem pakanenkayto* iti kasayaatan a* trigo+Ken bussogenkayto iti diro a naala iti dakkel a bato.”+
Footnotes
^ Wenno “lengguahe.”
^ Lit., “iti nalemmeng a lugar ti gurruod.”
^ Kaipapananna, “Panagaapa.”
^ Lit., “Nagnada kadagiti bukodda a balakad.”
^ Lit., “tiempoda.”
^ Kayatna a sawen, ti ili ti Dios.
^ Lit., “taba ti.”
