Salmo 135:1-21
135 Idaydayawyo ni Jah!*
Idaydayawyo ti nagan ni Jehova;Idaydayawyo, dakayo nga ad-adipen ni Jehova,+
2 Dakayo nga agserserbi iti balay ni Jehova,Iti paraangan ti balay ti Diostayo.+
3 Idaydayawyo ni Jah, ta ni Jehova ket naimbag.+
Agkantakayo iti panangidaydayaw* iti naganna, ta makaay-ayo dayta.
4 Ta pinili ni Jah ni Jacob para kenkuana,Pinilina ti Israel kas espesial a sanikuana.*+
5 Ta talaga nga ammok a naindaklan ni Jehova;Nangatngato ti Apotayo ngem iti amin a sabali a dios.+
6 Ar-aramiden ni Jehova ti amin a pagragsakanna nga aramiden+Idiay langit ken ditoy daga, iti baybay ken iti amin a kaadalman.
7 Ipangatona dagiti ulep* manipud kadagiti ungto ti daga;Mangaramid iti kimat* para iti tudo;Iruarna ti angin kadagiti pagiduldulinanna.+
8 Pinatayna dagiti inauna nga annak idiay Egipto,Tattao ken animal.+
9 O Egipto, nakitam dagiti inaramidna kenka a pagilasinan ken milagro,+Maibusor ken Faraon ken iti amin nga adipenna.+
10 Dinadaelna ti adu a nasion+Ken pinatayna dagiti mannakabalin nga ar-ari+
11 —Ni Sihon nga ari dagiti Amoreo,+Ni Og nga ari ti Basan,+Ken amin a pagarian ti Canaan.
12 Intedna ti dagada a kas tawidTi Israel nga ilina.+
13 O Jehova, agnanayon ti naganmo.
O Jehova, agnanayon ti kinalatakmo* iti amin a henerasion.+
14 Ta ni Jehova ti mangidepensa kadagiti tattaona,*+Ken maasian* kadagiti adipenna.+
15 Pirak ken balitok dagiti idolo dagiti nasionNga inaramid dagiti tattao.+
16 Adda ngiwatda, ngem saanda a makasao;+Adda matada, ngem saanda a makakita;
17 Adda lapayagda, ngem saanda a makangngeg.
Awan anges a rummuar iti ngiwatda.+
18 Dagiti tattao nga agar-aramid kadagita ket agbalinto a kas kadagita,+Ken uray ti amin nga agtaltalek kadagita.+
19 O sangakabbalayan ti Israel, idaydayawyo ni Jehova.
O sangakabbalayan ni Aaron, idaydayawyo ni Jehova.
20 O sangakabbalayan ni Levi, idaydayawyo ni Jehova.+
Dakayo nga agbuteng ken Jehova, idaydayawyo ni Jehova.
21 Manipud idiay Sion, maidaydayaw koma ni Jehova,+Daydiay agnanaed idiay Jerusalem.+
Idaydayawyo ni Jah!+
Footnotes
^ Wenno “Hallelujah!” Ti “Jah” ket napaababa a porma ti nagan a Jehova.
^ Wenno “Agputarkayo iti musika.”
^ Wenno “maipatpateg a sanikua.”
^ Wenno “alingasaw.”
^ Wenno mabalin nga, “aribengbeng.”
^ Wenno “naganmo.” Lit., “pakalaglagipam.”
^ Wenno “mangirupir iti kalintegan dagiti tattaona.”
^ Wenno “maladingitan.”
