Salmo 140:1-13

  • Ni Jehova ti napigsa a Manangisalakan

    • Kasla uleg dagiti managdakdakes (3)

    • Mapapatay dagiti naranggas a tattao (11)

Iti direktor. Kanta ni David. 140  O Jehova, isalakannak kadagiti managdakdakes;Protektarannak kadagiti naranggas a tattao,+   Dagidiay dakes ti plano ti pusoda,+Ken agmalmalem a mangirugrugi iti laban.   Patademenda ti dilada kas iti dila ti uleg;+Adda iti likud ti bibigda ti gita dagiti karasaen.+ (Selah)   Protektarannak, O Jehova, iti ima dagiti managdakdakes;+Aywanannak kadagiti naranggas a tattao,Kadagidiay agpanggep a mangitibkol kaniak.   Dagiti natangsit nangikabilda iti diak makita a silo;Nagusarda iti tali a nangiwayat iti iket iti abay ti pagnaak.+ Nangipakatda kadagiti pangsiloda kaniak.+ (Selah)   Ibagak ken Jehova: “Sika ti Diosko. Ipangagmo, O Jehova, dagiti panagpatulongko.”+   O Jehova a Kangatuan* nga Apo, ti napigsa a mangisalakan kaniak,Salaknibam daytoy ulok iti aldaw ti gubat.+   O Jehova, dimo ited ti kayat dagiti managdakdakes. Dimo ipalubos nga agballigi ti planoda tapno saanda a tumangsit.+ (Selah)   Dagiti dakes nga imbaga dagiti tattao a nanglikmut kaniakKet mapasamak koma a mismo kadakuada.+ 10  Matinnaganda koma kadagiti sumsumged a beggang.+ Maipuruakda koma iti apuy,Kadagiti nauneg nga abut,*+ tapno saandan a makaruar. 11  Dagiti mangpadpadakes awan koma ti lugarda iti daga.+ Ti koma dakes ti mangtiliw ken mangpatay kadagiti naranggas. 12  Ammok nga idepensanto ni Jehova dagiti nanumoKen ipaayanna iti hustisia dagiti marigrigat.+ 13  Sigurado a pagyamanan dagiti nalinteg ti naganmo;Agnaed dagiti nalinteg iti sanguanan ti rupam.*+

Footnotes

Wenno “Soberano.”
Wenno “adda danumna nga abut.”
Wenno “iti ayanmo.”