Salmo 67:1-7
Iti direktor; akompaniaran dagiti dekuerdas a pagtokar. Kanta.
67 Paraburan ken bendisionannatayo ti Dios;Ipakitananto a maragsakan kadatayo+ (Selah)
2 Tapno maipakaammo ti dalanmo iti intero a daga,+Ken maammuan ti amin a nasion dagiti panangisalakanmo.+
3 O Dios, idaydayawdaka koma dagiti tattao;Idaydayawdaka koma ti amin a tattao.
4 Agrag-o koma dagiti nasion ken agriawda gapu iti ragsak,+Ta patas ti panangukommo kadagiti tattao.+
Dagiti nasion iti intero a daga ket iwanwanmonto. (Selah)
5 O Dios, idaydayawdaka koma dagiti tattao;Idaydayawdaka koma ti amin a tattao.
6 Mangpataudto ti daga iti apit;+Ti Dios a Diostayo, bendisionannatayto.+
7 Bendisionannatayto ti Dios,Ket agbutengto* kenkuana ti intero a daga.+
Footnotes
^ Wenno “agdaydayawto.”
