Salmo 13:1-6

  • Panangsegga iti panangisalakan ni Jehova

    • “O Jehova, kasano kabayag?” (1, 2)

    • Nakaparparabur ni Jehova (6)

Iti direktor. Kanta ni David. 13  O Jehova, kasano kabayag ti pananglipatmo kaniak? Agnanayon kadi? Agingga kaano a tallikudannak?+   Kasano kapaut ti panangibturko iti pakariribukak,Ken mano pay nga aldaw nga agladingitak? Agingga iti kaano a nabilbileg ti kabusorko ngem siak?+   Kitaennak ken sungbatannak, O Jehova a Diosko. Pasubliem ti pigsak tapno saan a mauyos ti biagko,   Tapno saan nga ibaga ti kabusorko: “Naabakko isuna!” Dimo ipalubos nga agragsak dagiti kabusorko gapu iti pannakatnagko.+   Ngem agtalekak iti napudno nga ayatmo;+Agrag-o daytoy pusok gapu kadagiti panangisalakanmo.+   Kantaakto ni Jehova, ta nakaparparabur kaniak.*+

Footnotes

Wenno “nagsayaat ti panangtratona kaniak.”